Collections

Lab Shayari

Motivational Ghazals

Best Khamoshi Shayari

More Collections

Tags-Dua

marne kī aarzū bhī nikal jā.egī kabhī
aisā kahāñ ki bair duā-o-asar meñ hai

sauda tumhaare ishq ka jis din se sar mein hai

mere aadhe jism kī us ko lagegī bad-duā
kal ḳhabar aa jā.egī vo shaḳhs patthar ho gayā

KHushk uski zat ka saton samundar ho gaya

saḳht arzāñ haiñ duā.eñ
besh-qīmat bad-duā hai

KHwab barfani chita hai

mere ahbāb ko kuchh sochnā hogā 'dā.em'
merā dushman mujhe jiine kī duā detā hai

jurm ulfat ki mujhe KHub saza deta hai

gar ittifāq se paayā hai qatra-e-shabnam
samundaroñ ko mirī pyaas ne duā dī hai

miTa ke anjuman-e-arzu sada di hai

dil duā-go hai 'shakīl-at.har' ki is kī tab.a meñ
hoshiyārī hī nahīñ thoḌī sī nādānī bhī ho

dasht ki aawargi ho chaak-damani bhi ho

mil ga.e tum haath uThā kar mujh ko sab kuchh mil gayā
aaj to ghar luuT laa.ī hai duā tāsīr kī

mil gae tum hath uTha kar mujhko sab kuchh mil gaya

aur ik taaza sitam us ne kiyā hai ījād
us ko is baar zarā khul ke duā dī jaa.e

ek saza aur asiron ko suna di jae

dast-e-duā buland huā thā yahīñ kahīñ
apne liye ḳhudā se tujhe māñgtā huā

aawaza-e-KHayal kahin gunjta hua

maiñ tere qahr ke sadqe ḳhudāyā
adhūre rah ga.e jumle duā ke

zamin chillai chiKHi bilbila ke

gulcheñ ko dekh letī hai jab koī shāḳh-e-gul
detī hai bad-duā ki duā ġhaur se suno

dastak hawa ne di hai zara ghaur se suno

shāḳheñ uThā ke haath duā māñgne lagīñ
sargoshiyāñ chaman meñ haiñ kyā ġhaur se suno

dastak hawa ne di hai zara ghaur se suno

har roz maiñ ye kartā huuñ duā
ai mere ḳhudā ai mere ḳhudā

amn ka suraj

dast-e-dāman duā rahe na rahe
ham chale ab vafā rahe na rahe

dast-e-daman dua rahe na rahe

mere lab tak jo na aa.ī vo duā kaisī thī
jaane is raah meñ marzi-e-ḳhudā kaisī thī

mere lab tak jo na aai wo dua kaisi thi

ab numūdār ho is gard se ai nāqa-savār
kab se bastī tire milne kī duā kartī hai

ab zaban KHanjar-e-qatil ki sana karti hai

qubūl hotī huī bad-duā se Darte haiñ
vagarna log kahāñ ye ḳhudā se Darte haiñ

qubul hoti hui bad-dua se Darte hain

sabhī se kahte haiñ bas ḳhair kī duā māñgo
kabhī kabhī to ham itnā ḳhudā se Darte haiñ

qubul hoti hui bad-dua se Darte hain

Dūbtā huuñ to ubhar jaatā huuñ lamha-bhar maiñ
kis ke hoñToñ pe huuñ maiñ harf-e-duā kaun huuñ maiñ

chup ke sahra mein faqat ek sada kaun hun main

ḳhatm gar ho na sakī uzr-tarāshī terī
ik sadī tak tujhe jiine kī duā de dūñgā

ek mohabbat ke ewaz arz-o-sama de dunga