Tags-Duniya

yahī bahut hai kisī tarah se bharam hī rah jaa.e pesh duniyā
agar mayassar nahīñ hai baada ḳhayāl-e-bāda bhī kam nahīñ hai

mirī nākāmi-e-ġham zauq-e-hairānī banātī hai
ye duniyā duur se merī nazar meñ jagmagātī hai

musalsal gulshan-e-hastī meñ kāñTe us ne bo.e haiñ
ye duniyā phir inhīñ kāñToñ se kyuuñ dāman bachātī hai

yahī hastī 'nushūr' ik roz hai anjām-e-hastī bhī
yahī duniyā kisī manzil pe uqbā ho ke aatī hai

ek muqaddas hastī ne ik roz duā ye kī
rab kī rahmat se duniyā meñ tū mumtāz rahe

duniyā us ke saath ho lekin us ke dil meñ ham
saare jag meñ ham ko hāsil ye e.ajāz rahe

phir bhī haq baat ke kahne se na ba.az ā.ūñgā
mere hāthoñ pe bhale daulat-e-duniyā rakh do

miT jā.egā sehr tumhārī āñkhoñ kā
apne paas bulā legī duniyā ik din

kho jaate kisī bādiya-e-haft-balā meñ
ḳhilqat meñ magar rāñda-e-duniyā to na hote

duniyā se jo rakhte kabhī duniyā se ravābit
apne hī zamāne meñ yuuñ tanhā to na hote

ab ke junūñ huā to garebāñ ko phaaḌ kar
duniyā ko chhoḌ jā.ūñgā dāman ko jhaaḌ kar

hamāre haal pe ab chhoḌ de hameñ duniyā
ye baar baar hameñ kyuuñ batānā paḌtā hai

apne gird lakīreñ khīñcheñ aur phir un meñ qaid hue
is duniyā meñ khel the jitne saare hī tabqātī the

dil ik duniyā basā letā hai gar koī nahīñ aatā
faqat mahsūs kartā hai nazar koī nahīñ aatā

alfāz se kāġhaz pe sajā.ī hai jo duniyā
juz apne koī chiiz bhī faanī nahīñ likkhī

afsāna-e-afsūn-e-javānī ke alāva
kis baat kā duniyā meñ i.aada nahīñ hotā

duniyā ko de rahā huuñ sabaq husn-o-ishq kā
ifshā har ek raaz kiye jā rahā huuñ maiñ

miTā nahīñ hai añdherā ġhamoñ kā duniyā se
nashāt-e-rūh kī qindīl nā-mukammal hai

vaqt duniyā meñ phirātā hai dinoñ ko kyā kyā
dekh jo koh the vo ruuī ke gaale hue haiñ

jin ke kāran aaj hamāre haal pe duniyā hastī hai
kitne zālim chehre jaane pahchāne yaad aate haiñ