Tags-Duniya

umr-bhar fikr-e-duniyā meñ ġhaltāñ rahe maare maare phire muft rusvā hue
zindagī daf.atan zindagī ban ga.ī chaar āñkheñ huiiñ dil meñ pyaar aa gayā

ba.az-auqāt mujhe duniyā par
duniyā kā bhī shub.h hotā hai

phir ik TuuTā huā rishta phir ik ujḌī huī duniyā
phir ik dilchasp afsāna sunā kar lauT aa.e haiñ

fareb-e-ārzū ab to na de ai marg-e-mayūsī
ham ummīdoñ kī ik duniyā luTā kar lauT aa.e haiñ

ahl-e-dil ne kiye ta.amīr haqīqat ke sutūñ
ahl-e-duniyā ko rivāyāt pe ronā aayā

kise aatā thā jiinā is se pahle terī duniyā meñ
sañvārā hai mohabbat ne mazāq-e-rūh-o-tan bigḌā

log har baat kā afsāna banā dete haiñ
ye to duniyā hai mirī jaañ ka.ī dushman ka.ī dost

tere qāmat se bhī lipTī hai amar-bel koī
merī chāhat ko bhī duniyā kī nazar khā ga.ī dost

mumkin hai vo din aa.e ki duniyā mujhe samjhe
lāzim nahīñ har shaḳhs hī achchhā mujhe samjhe

saarī duniyā se nahīñ mujh se faqat bezār the
aur is se baḌh ke kyā hotā mohabbat kā asar

hālat-e-jañg meñ ham log tire saath rahe
taaki duniyā kī qayādat meñ tirī baat rahe

maiñ hī huuñ mujh sā agar DhūñDo jahāñ meñ mubtalā
tū hī ho tujh sā hasīñ duniyā meñ gar paidā karūñ

duniyā bhī ik āmāj-gah-e-husn hai 'shā.ir'
dekho to zarā hajla-e-jānāñ se nikal ke

ahl-e-duniyā ko kisī din na huī fikr-e-adam
kyā musāfir haiñ ki jin ko na vatan yaad aayā

jaane kis din haath se rakh dūñgā duniyā kī zamām
jaane kis din tark-e-duniyā kā ḳhayāl aa jā.egā

ik dastūr sahī duniyā kā zaḳhmoñ par lafzoñ kā Dher
ai logo kuchh samjho bhī ho jo mujh ko samjhāo ho

ye jo duniyā meñ sar-e-mauj-e-havā likkhā hai
mere yāroñ ne kabhī naam uchhālā thā mirā

ham ne tere hijr ko āḳhir kār-e-jahāñ taslīm kiyā
duniyā-dārī karte haiñ aur dhyān baTāte phirte haiñ

maiñ kisī aur havāle se use dekhtā huuñ
mujh ko duniyā kā taraf-dār na samjhā jaa.e

khulā ye raaz ki nā-pā.edār hai duniyā
yahāñ kisī se koī baat mo'atabar na milī