Tags-Duniya

diin ho ki ye duniyā rā.egāñ hī Thahreñ ham
muft meñ to ye āḳhir do-jahāñ nahīñ milte

jis kī ummīd pe sar phoḌ rahī hai duniyā
kahīñ is āhanī dīvār meñ vo dar hī na ho

dekhne niklā huuñ duniyā ko magar kyā dekhūñ
jis taraf aañkh uThā.ūñ vahī chehra dekhūñ

uTThe jo tere dar se to duniyā simaT ga.ī
baiThe the tere dar pe zamāna liye hue

tumhāre hijr meñ āñkheñ hamārī muddat se
nahīñ ye jāntīñ duniyā meñ ḳhvāb hai kyā chiiz

duniyā thī rahguzar to qadam mārnā thā sahl
manzil huī to paañv kī zanjīr ho ga.ī

duniyā barf kā tuudā hai
jitnā jal saktā hai jal

apne meñ rahe to rusvā.ī apne se ga.e to saudā.ī
ham muddat se dīvāngi-e-duniyā kā tamāshā karte haiñ

ik umr ulajhtā rahā duniyā kī havā se
kyā maiñ bhī tere kākul-e-pechāñ kī tarah thā

ye duniyā ġham to detī hai sharīk-e-ġham nahīñ hotī
kisī ke duur jaane se mohabbat kam nahīñ hotī

duniyā jiite jī jo duniyā ho na sakī
siine se ye armāñ mar kar niklegā

'bedī' merā qadam hī hogā duniyā meñ
jo hadd-e-imkāñ se bāhar niklegā

kāvish-e-paiham se duniyā kī fazā jannat-adā
ye tasarruf hai bashar kī quvvat-e-tasḳhīr kā

jo bhī karnā hai aaj hī kar le
kal ye duniyā rahī rahī na rahī

duniyā kā tamāshā dekh liyā ġhamgīn sī hai betāb sī hai
ummīd yahāñ ik vahm sī hai taskīn yahāñ ik ḳhvāb sī hai

duniyā meñ ḳhushī ko yaad na kar
ai ishq hameñ barbād na kar

le ke faqīrī aas lagā.ī duniyā se
'bāqar' pyāre tū bhī sag-e-duniyā niklā

ye arz-o-samā qulzum-o-sahrā mut.harrik
ik tū hī nahīñ shams hai duniyā mut.harrik

baad marne ke bhī duniyā meñ ho charchā merā
aisī shohrat kī bulandī ho Thikāna merā

vaqt hoñToñ se mire vo bhī khurach kar le gayā
ik tabassum jo thā duniyā ko dikhāne ke liye