Tags-Duniya

miT jā.eñge duniyā se bhī ham diid ke guzre
gar ai but-e-kāfir yahī be-dād rahegī

kanār-e-be-sutūñ meñ kyuuñ diyā naqsh apne dilbar kā
tabhī farhād duniyā se gayā nāshād kyā kiije

dīvār hai duniyā ise rāhoñ se haTā de
har rasm-e-mohabbat ko miTāne ke liye aa

ai 'fanā' terī taqdīr meñ
saarī duniyā ke ġham rah ga.e

duniyā badal ga.ī thī koī ġham na thā mujhe
tum bhī badal ga.e the ye hairānī khā ga.ī

duniyā meñ ab kahīñ bhī Thahartī nahīñ nazar
tujh sā hasīn laa.eñ to laa.eñ kahāñ se ham

laa.ī hai kahāñ mujh ko tabī.at kī do-rañgī
duniyā kā talabgār bhī duniyā se ḳhafā bhī

jo merā dil na ho 'sherī' harīf un kī nigāhoñ kā
to duniyā bhar meñ barpā inqalāb-e-ām ho jaa.e

aag duniyā ko ye lagā degā
jo ta.assub tire bayān meñ hai

galī kūchoñ meñ sehn-e-mai-kada kā rañg hotā hai
mujhe duniyā tirā kaif-e-nazar mahsūs hotī hai

pyaar vafā kā chalan na ho gar dil se dil ko raah na ho
aisī ravish to is duniyā ko kar degī maj.hūl miyāñ

merī sadā.eñ barsar-e-mahfil na jab rahīñ
duniyā ne tanhā chhoḌ diyā ḳhaak par mujhe

us ne bhī mujh ko yahī soch ke DhūñDā na kabhī
maiñ ne ab tak to na.ī duniyā basā lī hogī

qadr-e-insāñ hai abhī bazm-e-adam meñ 'sīmāb'
kyuuñ vo duniyā meñ rahe jo kisī qābil ho jaa.e

duniyā ne fasānoñ ko baḳhshī afsurda haqā.eq kī talḳhī
aur ham ne haqā.eq ke naqshe meñ rañg bharā afsānoñ kā

chaman kaisā bayābāñ kyā simaT aa.egī ye duniyā
junūñ ke dam se itnī vus.ateñ dāmāñ meñ rakhte haiñ

hazāroñ saal chal kar bhī abhī ḳhud tak nahīñ pahuñchī
ye duniyā kaash ho jaa.e kabhī ik baar gum us meñ

ḳhāmosh añdherī rātoñ meñ jab saarī duniyā suutī hai
ik hijr kā maarā rotā hai aur shabnam aañsū dhotī hai

sab kahte haiñ maiñ dīvāna huuñ haiñ kahtā huuñ sab dīvāne haiñ
maiñ duniyā-bhar par hañstā huuñ duniyā-bhar mujh par rotī hai

ḳhayāl-o-ḳhvāb kī duniyā sarāb kī duniyā
nazar faqīr kī parde ke paar hotī hai