Tags-Duniya

jin āñkhoñ se mujhe tum dekhte ho
maiñ un āñkhoñ se duniyā dekhtā huuñ

vafā kā naam jab uTh jā.egā bedard duniyā se
vo ro.eñge bahut ham ko jo ab barbād karte haiñ

samajh rakkhā hai bāzīcha unhoñ ne dil kī duniyā ko
kabhī ābād karte haiñ kabhī barbād karte haiñ

uThe jaate haiñ lo duniyā se ham aaj
miTe jaate haiñ jhagḌe umr bhar ke

tujhī ko jo yaañ jalva-farmā na dekhā
barābar hai duniyā ko dekhā na dekhā

duniyā to ek barf kī sil se sivā na thī
pahuñchī dukhoñ kī aañch to duniyā tamām-shud

is salīqe se mujhe qatl kiyā hai us ne
ab bhī duniyā ye samajhtī hai ki zinda huuñ maiñ

duniyā ke sahī andāz bahut un galiyoñ ke bhī haiñ raaz bahut
jo Thahre vo sar-afrāz hue jo nikle vo Thukrā.e ga.e

rañg meñ haiñ saare ghar vaale khanak rahe haiñ chaa.e ke pyāle
duniyā jaag chukī hai lekin apnā saverā nahīñ huā hai

dekhe koī jaatī huī duniyā kā tamāshā
bīmār bhī sar dhuntā hai aur sham-e-sahar bhī

apne mehvar par zamīñ aa.e to lamha bhar sahī
der se ḳhālī paḌā hai ḳhāka-e-duniyā mirā

duniyā kā na khā fareb vīrāñ hai ye
rāhat se na dil lagā ki mehmāñ hai ye

tum akele aa.e duniyā meñ akele jāoge
zindagī ik pal hai kyā pul par banāte ho makāñ

hoñT par sach chup kī sūrat khil uThā
raaz ifshā jab huā duniyā hai kaun

dil kī duniyā dekh kar kyuuñ rañg-e-duniyā dekhte
dekhne vaalo nahīñ ham dekh kar kyā dekhte

hastī ke bhayānak nazzāre saath apne chale haiñ duniyā se
ye ḳhvāb-e-pareshāñ aur ham ko tā-sub.h-e-qayāmat sonā hai

āñkhoñ se isī tarah agar sail ravāñ hai
duniyā meñ koī ghar na rahā hai na rahegā

bach ke duniyā se ghar chale aa.e
ghar se bachne magar kidhar jaa.eñ

ye duniyā hashr tak ābād rakkhī jā sakegī
yahāñ ham sā jo koī ḳhush-bayāñ baaqī rahegā

mirā sukūñ bhī mire āñsuoñ ke bas meñ thā
ye mehmāñ mirī duniyā nikhārne aate