Tags-Duniya

sach kahā hai ki ba-ummīd hai duniyā qaa.im
dil-e-hasrat-zada bhī terā tamannā.ī hai

faisla hasb-e-tabī.at ye mohabbat ne kiyā
ik tarah ġham ho salāmat ġham-e-duniyā jaa.e

mirī duniyā kā mehvar muḳhtalif hai
na is meñ aa ye chakkar muḳhtalif hai

mehñdī meñ laalī jis tarah kānoñ meñ baalī jis tarah
jab yuuñ mile to kyā chale duniyā kā ham pe daañv re

duniyā se jhagḌā kyā thā
duniyā se bhī khaa.ī maat

ab ke ta.abīr mas.ala na rahe
ye jo duniyā hai is ko ḳhvāb karo

dil kā haal chhupā luuñ to
achchhī duniyā-dārī ho

vo aadmī to nahīñ hai siyāh patthar hai
jo chāhtā hai ki duniyā mirā tavāf kare

nā-gahānī thī jo maiñ āshiq huā rusvā huā
chāhtā hai koī duniyā meñ bhalā apnā burā

ham ġharīboñ se na pūchho ne.mat-e-duniyā kā haal
shukr kar ke khā liyā jo kuchh milā achchhā burā

tasvīr ḳhayālī hai har aañkh savālī hai
duniyā mujhe kyā degī duniyā se meñ kyā lūñgā

kyā tohmateñ duniyā ne ai 'shāz' uThā.ī haiñ
ik tohmat-e-hastī thī sochā thā uThā lūñgā

sub.h karne ke liye phir hāv-hū darkār hai
shukr kar sotī huī duniyā meñ tū bedār hai

duniyā ne jab Darāyā to Darne meñ lag gayā
dil phir bhī pyaar aap se karne meñ lag gayā

kahāñ se duniyā ko aa ga.e haiñ ye taur us ke tarīq us ke
muzāhira sab gurez kā hai alāmateñ sab visāl kī haiñ

nahīñ hai ḳhvāb dīvāne kā hastī
ye duniyā sirf ik dhokā nahīñ hai

tum husn kī ḳhud ik duniyā ho shāyad ye tumheñ mālūm nahīñ
mahfil meñ tumhāre aane se har chiiz pe nuur aa jaatā hai

agar ham na the ġham uThāne ke qābil
to kyuuñ hote duniyā meñ aane ke qābil

kiyā tark-e-duniyā maiñ jab to ye samjhe
ki duniyā nahīñ dil lagāne ke qābil

'kaif' kahāñ tak tum ḳhud ko be-dāġh rakhkhoge
ab to saarī duniyā ke muñh par syāhī hai