Tags-Duniya

karnā kuchh ġham ki yahī duniyā hai
isī kā naam zamāna hai dil

yahī duniyā kā chalan jaan kar ai jān-e-ġhazal
rañg ḳhud par bhī zarūrat se kiyā jaatā hai

un āñkhoñ ko dekhne vaale kahte haiñ
is duniyā ko ham ne behtar dekhā hai

terī kaise ban jaatī hai duniyā se
maiñ ne apnā aap badal kar dekhā hai

kho gayā vo jahāñ ke mele meñ
merī duniyā meñ ab rahā kyā hai

duur falak se ik din maiñ bhī ubharūñgā
phir Thokar meñ duniyā rakh kar sochūñgā

agar maiñ ne tujhe duniyā pe qurbāñ kar diyā to kyā
yahāñ insān jiine ke liye kyā kyā nahīñ kartā

yuuñ bhī koī milnā hai jo milne kī ghaḌiyoñ meñ bhī
milne se pahle is zālim duniyā kā Dar yaad rahā

ham se darvesh duniyā vāloñ se, bas isī baat par ulajhte haiñ
vahshat-e-jism-o-jāñ baḌī shai hai ḳhud ko āsūda-hāl mat karnā

'anjum' maiñ kyuuñ duniyā par ilzām rakhūñ
āñkheñ haiñ to phir kyuuñ Thokar khātā huuñ

ahl-e-dil aur bhī haiñ ahl-e-vafā aur bhī haiñ
ek ham hī nahīñ duniyā se ḳhafā aur bhī haiñ

dil ke andar bhī to maujūd hai duniyā kā zamīr
aap se bar-sar-e-paikār koī to hogā

ishq ke chaak par dharī duniyā
apnī marzī se phir gaḌhī duniyā

us kī āñkheñ baḌī baḌī āñkheñ
merī duniyā baḌī baḌī duniyā

terī dīvāngī pe taj dī hai
dekh le ye harī bharī duniyā

chaar chīzeñ tire muqābil haiñ
rañg ḳhushbū-o-shā.irī duniyā

thoḌī mushkil meñ Daal kar ham ko
saḳht mushkil meñ aa paḌī duniyā

sar-phirā huuñ bahut mirī sun le
chhoḌ dūñgā o sar-phirī duniyā

duniyā meñ tujh ko hai agar armān-e-zindagī
tadbīr se tū bāñdh le paimān-e-zindagī

har taraf dhuup kī chādar ko bichhāne vaalā
kaam par niklā hai duniyā ko jagāne vaalā