Tags-Duniya

habs-e-davām to nahīñ duniyā ki mar rahūñ
kaahe ko ghar ḳhayāl karūñ rahguzar ko maiñ

piite hī duniyā ke jhagḌoñ se hue be-fikr ham
kis qadar dushvāriyāñ thiiñ kitnī āsānī huī

hameñ cigarette bhī to piinī thī nikal kar ghar se
apnī uñglī pe ye duniyā bhī nachānī thī hameñ

kabhī us kī javānī manchalī thī
kabhī duniyā bhī sāñche meñ Dhalī thī

maiñ bik gayā thā baad meñ be-sarfa jaan kar
duniyā mirī dukān pe lauTā ga.ī mujhe

kāġhaz kā chāñd rakh diyā duniyā ne haath meñ
pahle safar kī raat hī raas aa ga.ī mujhe

ham ko jannat kī fazā se bhī ziyāda hai aziiz
yahī be-rañg sī duniyā yahī be-mehr se log

vahshat-e-dil ne kahīñ kā bhī na rakkhā mujh ko
dekhnā hai abhī kyā kahtī hai duniyā mujh ko

duniyā se chand roz meñ sab kuchh to mil gayā
milnā ab aur kyā hai jo ab tak milā nahīñ

ḳhvāb-e-baqā kī bas yahī ta.abīr hai ki 'lais'
duniyā meñ sirf ek fanā ko fanā nahīñ

be-natīja hī rahegā ye musalsal Takrāo
yā to duniyā ke bano yā mutabādil ho jaao

ḳhuld ko is liye chhoḌ aayā thā
ye tamannā thī ki duniyā dekhūñ

har fareb-e-ġham-e-duniyā se ḳhabar-dār to hai
terā dīvāna kisī kaam meñ hushyār to hai

ai ḳhvāb-e-pazīrā.ī tū kyuuñ mirī āñkhoñ meñ
andesha-e-duniyā kī ta.abīr uThā laayā

apnī soī huī duniyā ko jagā luuñ to chalūñ
apne ġham-ḳhāne meñ ik dhuum machā luuñ to chalūñ

dam ġhanīmat hai ki vaqt-e-ḳhush-dilī miltā nahīñ
ye samāñ ye chain duniyā meñ kabhī miltā nahīñ

duniyā se jo paayā us ne duniyā hī ko sauñp diyā
ġhazleñ nazmeñ duniyā kī haiñ kyā hai shā.ir kuchh bhī nahīñ

simaT aa.ī hai ik kamre meñ duniyā
to bachche kis tarah nādān hote

duniyā se duur apne barābar khaḌe rahe
ḳhvāboñ meñ jāgte the magar raat ho ga.ī

ye duniyā akbar zulmoñ kī ham majbūrī kī anārkalī
ham dīvāroñ ke biich meñ haiñ ham narġha-e-jabr-o-jalāl meñ haiñ