Tags-Duniya

havā hī lau ko ghaTātī vahī baḌhātī hai
ye kis gumān meñ duniyā diye jalātī hai

afsurda fazā pe jaise chhāyā ho hirās
duniyā ko koī havā bhī aatī nahīñ raas

duniyā kyā hai barf kī ik almārī hai
ek ThiThurtī niiñd sabhī par taarī hai

hathelī pe duniyā kā naqsha banā.e
bhaTaktā hai vo aaj bhī choT khaa.e

shahr ke qānūn din meñ toḌnā āsāñ na thā
raat meñ niklī hai duniyā ilm kī tahsīl ko

dayār-e-fikr-o-hunar ko nikhārne vaalā
kahāñ gayā mirī duniyā sañvārne vaalā

nahīñ hai fursat yahīñ ke jhagḌoñ se fikr-e-uqbā kahāñ kī vaa.iz
azāb-e-duniyā hai ham ko kyā kam savāb ham le ke kyā kareñge

Tapaktī haiñ ḳhirām-e-nāz se rañgīniyāñ sau sau
mujhe Dar hai ki ye duniyā simaT kar dil na ho jaa.e

dil ne har daur meñ duniyā se baġhāvat kī hai
dil se tum rasm-o-rivāyāt kī bāteñ na karo

tū vo kaj-adā hai jo duniyā meñ DhūñDheñ
na tujh sā mile dūsrā be-muravvat

'qalaq' uTh ga.ī rasm-e-ulfat jahāñ se
hasīñ sab haiñ duniyā ke kyā be-muravvat

duniyā se be-niyāzī bhī fitrat mirī hī thī
duniyā ke ranj o dard meñ shāmil bhī maiñ hī thā

us ko dukh-dard koī chhalegā nahīñ us kī duniyā kā sūraj Dhalegā nahīñ
tere bachpan kī ḳhushiyāñ jise yaad haiñ tere dāman kā jugnū jise yaad hai

vo qalandar the so un ko saarī duniyā ek thī
chal diye uTh kar jahāñ bhī dāna-pānī le gayā

ḳhvāhisheñ duniyā kī bār-e-dosh-o-gardan ho ga.iiñ
rafta rafta manzil-e-uqbā kī rahzan ho ga.iiñ

jāma-e-hastī huā sad-chāk jab misl-e-sahr
zīnateñ duniyā kī gardā-gard-e-dāman ho ga.iiñ

daa.im ābād rahegī duniyā
ham na hoñge koī ham sā hogā

ḳhāmosh qahqahoñ meñ bhī ġham dekhte rahe
duniyā na dekh paa.ī jo ham dekhte rahe

duniyā pe koī aib lagāne se peshtar
duniyā ke saare aib purāne patā karo

dekh sakta nahīñ nākām tujhe duniyā meñ
jiit se apnī tirī haar se Dar lagtā hai