Tags-Duniya

ain mastī meñ huuñ dil duniyā se begāna hai
kyūñki ab pesh-e-nazar jalva-e-jānāna hai

shaam pūchhe to na kahnā ki maiñ duniyā meñ nahīñ
le ke phir aa.egā is ghar meñ mirā ḳhvāb mujhe

insāf-var haiñ jitne vo is ko mānte haiñ
duniyā kī har sharārat ham ḳhuub jānte haiñ

na haarā hai ishq aur na duniyā thakī hai
diyā jal rahā hai havā chal rahī hai

misl-e-barq duniyā se guzar jā
itā kyuuñ is meñ be-hāsil rahā hai

ham to sāhab-e-ahl-e-junūñ haiñ duniyā khel-tamāshā hai
ahl-e-ḳhirad kī ḳhātir hogī duniyā kī zanjīr bahut

hai tere andar basī huī ek aur duniyā
magar kabhī tū ne itnā lambā safar kiyā hai

phir is duniyā se ummīd-e-vafā hai
tujhe ai zindagī kyā ho gayā hai

baḌī zālim nihāyat bevafā hai
ye duniyā phir bhī kitnī ḳhushnumā hai

ḳhāliq-e-jūd-o-saḳhā ye to baḌī baat na thī
terī duniyā meñ tabassum ko taraste rahe ham

maiñ thā jab kārvāñ ke saath to gulzār thī duniyā
magar tanhā huā to har taraf sahrā hī sahrā thā

duniyā ko rauñdne kā hunar jāntā huuñ maiñ
lekin ye sochtā huuñ ki duniyā ke ba.ad kyā

be-ġhamī tark-e-alā.iq hai sadā 'azfariyā'
jis ko duniyā se ilāqa nahīñ ġhamnāk nahīñ

pahle ḳhud aap ko parkhā kiije
aur phir shikva-e-duniyā kiije

urdu kaho yā hindostānī
is kī baḌā.ī duniyā ne maanī

har baat meñ ye jaldī hai har nukte meñ isrār
duniyā se nirālī haiñ ġharaz terī to rasmeñ

phūñk Dālūñgā kisī roz maiñ dil kī duniyā
ye tirā ḳhat to nahīñ hai ki jilā bhī na sakūñ

surūr-ārā sharāb-e-arġhavānī ab bhī hotī hai
mire qadmoñ meñ duniyā kī javānī ab bhī hotī hai

usī duniyā ko ham apnā rahe haiñ
ki jis ne ham ko Thukrāyā bahut hai

ākāsh ke taare bujhte haiñ dhartī se dhuāñ sā uThtā hai
duniyā ko ye lagtā hai jaise sar se koī saayā uThtā hai