Tags-Duniya

bahut kuchh aur bhī hai is jahāñ meñ
ye duniyā mahz ġham hī ġham nahīñ hai

har fasāna jo kah chukī duniyā
mere ġham kā hī iqtibās rahā

ḳhayāl-o-ḳhvāb kī duniyā se ham guzar bhī ga.e
jahāñ Thaharnā thā ham ko vahāñ Thahar bhī ga.e

na kar 'saudā' tū shikva ham se dil kī be-qarārī kā
mohabbat kis ko detī hai miyāñ ārām duniyā meñ

duniyā ke log sunte raheñge tamām umr
lafzoñ meñ apne dil kī sadā chhoḌ jā.ūñgā

merī jānib aa.e pas-manzar se patthar be-shumār
rañg-e-duniyā dekh kar bīnā.ī zaḳhmī ho ga.ī

jis roz baġhāvat kar deñge
duniyā meñ qayāmat kar deñge

ḳhauf aisā hai ki duniyā ke satā.e hue log
kabhī mimbar kabhī mehrāb se Dar jaate haiñ

ye e'tibār kī duniyā bhī ḳhuub duniyā hai
ki mo'atabar bhī hai nā-mo'tabar ziyāda-tar

us kī duniyā meñ nahīñ qīmat koī
jo kasauTī par kharā utrā nahīñ

duniyā se ai dal itnī tabī.at bharī na thī
tere liye uThā.ī nadāmat kahāñ kahāñ

jis ke haamī ho ga.e vaa.iz vo baazī le gayā
ahmiyat hai aap kī duniyā meñ joker kī tarah

ye ham ko kaun sī duniyā kī dhun āvāra rakhtī hai
ki ḳhud sābit-qadam rah kar hameñ sayyāra rakhtī hai

hameñ kis kaam par māmūr kartī hai ye duniyā bhī
ki tarsīl-e-ġham-e-dil ke liye harkāra rakhtī hai

agar kuchh roz zinda rah ke mar jaanā muqaddar hai
to is duniyā meñ āḳhir bā.is-e-taḳhlīq-e-jāñ kyā thā

raushnī vaale to duniyā dekheñ
ham añdhere ke sivā kyā dekheñ

ḳhizāñ-nasīb hai duniyā use ḳhabar kyā hai
bahār le ke jo baiThā bahār le ke uThā

ye vasl-lamhoñ kī raushnī hai jo dil kī duniyā meñ aa basī hai
mahaktī yādoñ kī chāñdnī hai maiñ jis kī kirnoñ se jal rahī huuñ

karūñgī kyā bāl-o-par ko apne qafas meñ jiinā jo lāzmī hai
kahāñ hai 'shāhīn' shādmānī dukhoñ kī duniyā meñ pal rahī huuñ

duniyā se kaho jo use karnā hai vo kar le
ab dil meñ mire vo alal-elān rahegā