Tags-Duniya

maiñ hī ā.īna-e-duniyā meñ chalā aayā huuñ
yā chalī aa.ī hai duniyā mire ā.īne meñ

kin zaḳhmoñ ke Tāñke TuuTe kin dāġhoñ ke band khule
ḳhuun hai rañgat shām-o-sahar kī aag hai mausam duniyā kā

jis jagah mohabbat se husn-o-ishq milte haiñ
kaun sī vo duniyā hai kaun sī vo bastī hai

sau tarah rulātī hai bhuul kar agar hañsiye
roiye to ye duniyā khilkhilā ke hañstī hai

ik din us ne mere dil ke darvāze par dastak dī thī
aur mire ḳhvāboñ kī duniyā meñ armānoñ kā jashn huā thā

us ko dekhā dekh ke sochā
us jaisā is duniyā meñ shāyad koī aur na hogā

idhar bhī ek uchaTtī nazar ki duniyā meñ
faroġh-e-mahfil-e-jam hī nahīñ kuchh aur bhī hai

ham ne ābādī-e-ālam pe nazar jab Daalī
dil kī duniyā abhī vīrāñ hai ye ma.alūm huā

inqalāb aap hī duniyā meñ nahīñ aate haiñ
vo nazar silsila jumbāñ hai ye ma.alūm huā

ik shajar ke koī do patte bhī ik jaise na the
merī duniyā meñ kisī shai kā koī saanī nahīñ

sab se hañs kar milne vaale ham ko kisī se bair nahīñ
duniyā hai mahbūb hameñ aur ham duniyā ko pyāre haiñ

vo payambar ho ki āshiq qatl-gāh-e-shauq meñ
taaj kāñToñ kā kise duniyā ne pahnāyā na thā

ḳhatm ho jā.egī har raushnī duniyā kī magar
tum chamakte hī rahoge mah-e-tābāñ kī tarah

chashm-e-ulfat se na dekhā kabhī duniyā ne mujhe
maiñ khaTaktā hī rahā ḳhār-e-muġhīlāñ kī tarah

duniyā se dāġh-e-zulf-e-siyah-fām le gayā
maiñ gor meñ charāġh-e-sar-e-shām le gayā

is shahar-e-taġhāful meñ ham kis ko kaheñ apnā
vo shahr jo duniyā meñ kahne ko hamārā hai

naale to kahīñ āheñ, ik hashr sā hai har sū
hai kaun jo duniyā se is tarah sidhārā hai

ruuh meñ dil meñ jism meñ duniyā
DhūñDhtā huuñ magar nahīñ miltī

ai ishq ye sab duniyā vaale be-kār kī bāteñ karte haiñ
paa.el ke ġhamoñ kā ilm nahīñ jhankār kī bāteñ karte haiñ

aatī kisī ko raas shahādat 'husain' kī
duniyā meñ ham kisī ko to sairāb dekhte