Tags-Duniya

ye bhī mushtāq-adā vo bhī tamannā.ī hai
khiñch ke duniyā tire kūche meñ chalī aa.ī hai

DhūñDhtī kyuuñ na rahe us ko abad tak duniyā
jis ne chhupne kī azal hī meñ qasam khaa.ī hai

jalva-e-roz-e-azal ne mujhe bechain kiyā
pahlī duniyā meñ ye pahlī tirī añgḌā.ī hai

kam na thī kal bhī ufuq-tābī magar vo kal kī thī
aaj ubharne vaalā sūraj aaj kī duniyā kā hai

duniyā bhī ajab qāfila-e-tishna-labāñ hai
har shaḳhs sarāboñ ke ta.āqub meñ ravāñ hai

duniyā-dārī khel-tamāsha ishq-o-mohabbat rāhat-e-jāñ
aag meñ apnī jal kar ham ne ban bargad ye gyaan liyā

mirī to saarī duniyā ho
mirā saarā jahāñ ho tum

kuchh aise log bhī haiñ duniyā meñ terī yā-rab
lete nahīñ kisī kā ehsān zindagī meñ

jamāl-e-yār se raushan huī mirī duniyā
vo chamkī dil meñ kiran māhtāb se pahle

jism kā jaadū is duniyā meñ sar chaḌh kar jab boltā hai
ruuh mirī sharminda ho kar apnā chehra Dhāñptī hai

jism kā sonā ruup kī chāñdī kaun sā dhan kisī ke paas rahā
ek merā tumhārā qissa kyā saarī duniyā luTī tamāshe meñ

nahīñ duniyā meñ āzādī kisī ko
hai din meñ shams aur shab ko qamar band

thā mere paas ghaTtī huī zindagī kā rañj
aur ek lambī ḳhvāhish-e-duniyā thī mere paas

jis naale se duniyā bekal hai vo jalte dil kī mash.al hai
jo pahlā luukā ḳhud na sahe vo aag lagānā kyā jaane

kār-e-duniyā se kyā paanā hai
ret bharī hai miTTī ke andar

ye duniyā aag hai ik aag jis meñ
maiñ ḳhud ko jhoñk denā chāhtā huuñ

ham ko jo rañj pahuñchte haiñ vo kis se kahiye
ham ko mehmān samajhtī nahīñ duniyā apnā

ye karb-o-āh kī duniyā ajiib duniyā hai
agar hayāt ġhazal-ḳhvāñ nahīñ to kuchh bhī nahīñ

dūsroñ kī aañkh le kar bhī pashemānī huī
ab bhī ye duniyā hameñ lagtī hai pahchānī huī

ulTā na irāq-o-shām-o-halab duniyā na huī vīrān to kyā
jal-thal na lahū se to ne bharā to ḳhūn-e-musalmāñ kuchh na kiyā