Collections

Lab Shayari

Motivational Ghazals

Best Khamoshi Shayari

More Collections

Tags-Duniya

kināra kar na ai duniyā mirī hast-e-zabūnī se
koī din meñ mirā raushan sitāra hone vaalā hai

kinara kar na ai duniya meri hast-e-zabuni se

yaqīñ duniyā pe phir hone lagā hai
chalo phir choT khā kar dekhte haiñ

ye bar-e-gham uTha kar dekhte hain

pighaltī hī nahīñ ashkoñ se duniyā
zarā sā muskurā kar dekhte haiñ

ye bar-e-gham uTha kar dekhte hain

maiñ kisī sūrat nikal aayā huuñ apnī zaat se
Dar rahā huuñ mil na jaa.e phir vahī duniyā kahīñ

justuju meri kahin thi aur main bhaTka kahin

ga.e vaqtoñ meñ aisā to nahīñ thā
yahī duniyā thī aur auqāt meñ thī

ajab ek baat uski baat mein thi

duniyā ko jab nazdīkī se dekhā hai
tab samjhā ye sab kuchh khel-tamāsha hai

duniya ko jab nazdiki se dekha hai

vafā kā naam hī duniyā se uTh chukā 'kaifī'
kahāñ zamāne meñ ab koī qadr-dāñ apnā

na de fareb-e-wafa le na imtihan apna

duniyā meñ haiñ kaam bahut
mujh ko itnā yaad na aa

duniya mein hain kaam bahut

ahl-e-duniyā dekhte haiñ kitnī hairānī ke saath
zindagī ham ne basar kar lī hai nādānī ke saath

ahl-e-duniya dekhte hain kitni hairani ke sath

ye duniyā basā.ī hai jo ik be-ḳhabarī kī
is meñ kahīñ yādoñ kā guzar hai ki nahīñ hai

sahra se bhi viran mera ghar hai ki nahin hai

duniyā kuchh bhī kahe magar 'jāzib'
vaqt be-e'tibār hai mire dost

tujhse hi sab bahaar hai mere dost

is liye bhī maiñ rivāyāt kā qaa.il na huā
ye hai duniyā ye rivāyāt badal saktī hai

gham na kar gham ki siyah raat badal sakti hai

tauq-e-badan utaar ke pheñkā zamīñ se duur
duniyā ke saath chalne se inkār kar diyā

barson purane zaKHm ko be-kar kar diya

tere kūche kī fazā aur hī kuchh hai yuuñ to
nazreñ ho aa.ī haiñ duniyā ke har ik manzar tak

faiz tha uske tasawwur ka jo chashm-e-tar tak

kyā tarjumānī-e-ġham-e-duniyā kareñ ki jab
fan meñ ḳhud apnā ġham bhī samoyā na jā sakā

dil mein tere KHulus samoya na ja saka

kitnā dushvār thā duniyā ye hunar aanā bhī
tujh se hī fāsla rakhnā tujhe apnānā bhī

kitna dushwar tha duniya ye hunar aana bhi

duniyā meñ to ḳhuub guzrī hātim
uqbā meñ bhī dekhiye ḳhudā hai

jo koi ki yar-o-ashna hai

bekār lag rahī haiñ duniyā kī sab kitābeñ
dekhī hai jab se maiñ ne sūrat tirī kitābī

nikla jo chilmanon se wo chehra aaftabi

so ab maiñ ohda-e-duniyā se kyā ġharaz rakhūñ
kisī ne mansab-e-dil par biThā diyā hai mujhe

jala diya hai ki isne bujha diya hai mujhe

maiñ hī na mānūñ mere bikharne meñ varna
duniyā bhar ko haath tumhārā lagtā hai

dur se hi bas dariya dariya lagta hai