English
Favourite
Favourite
UrduShayarUrduShayar
Expand menu
Sign inAccount

Tags-Duniya

soch se is ko duur rakhūñ maiñ jab bhī likkhūñ duniyā kī
jaane kaise bas jaatā hai vo mere afsānoñ meñ
Ghazal
 koi dil mein aa baiTha aur chuTki li armanon mein
ik dard-e-mohabbat hai ki jaatā nahīñ varna
jis dard kī DhūñDe koī duniyā meñ davā hai
Sher
 ek dard-e-mohabbat hai ki jata nahin warna
haañ ye duniyā burā banātī hai
varna insāñ burā nahīñ hotā
Ghazal
 shisha lab se juda nahin hota
ḳhushī ġham meñ nazar aa.ī ḳhushī meñ ġham nazar aayā
abhī duniyā pe Daalī thī nigāh-e-sarsarī ham ne
Ghazal
 bichhaD kar un se yun gham mein guzari zindagi humne
bharegī is meñ rañg 'ehsān' duniyā inqilāboñ se
lahū se apne ik tasvīr aisī khīñch diiñ ham ne
Ghazal
 bichhaD kar un se yun gham mein guzari zindagi humne
dil talabgār-e-tamāshā kyuuñ thā
ya.anī hasrat-kash-e-duniyā kyuuñ thā
Ghazal
 dil talabgar-e-tamasha kyun tha
yahī duniyā ki jise qadr nahīñ hai merī
yahī duniyā ki bahut yaad karegī mujh ko
Ghazal
 zindagi kya yunhi nashad karegi mujhko
ma.anī-tarāziyāñ haiñ rañgīñ-bayāniyāñ haiñ
duniyā meñ jitne muñh haiñ utnī kahāniyāñ haiñ
Ghazal
 mani-taraaziyan hain rangin-bayaniyan hain
rañj-e-rusvā.ī nahīñ duniyā hai rusvā.ī kā ghar
haiñ sabhī rusvā to yuuñ samjho na tum rusvā na ham
Ghazal
 jine dega bhi hamein ai dil jien bhi ya na hum
fā.eda kyā rahtī duniyā tak agar koī rahā
ye to zāhir hai ki rahne ke liye duniyā na ham
Ghazal
 jine dega bhi hamein ai dil jien bhi ya na hum
zamāna mushkiloñ ke jaal phailā.e to phailā.e
qadam baḌhte raheñ be-dard duniyā laakh bahkā.e
Nazm
 aa jaana
sirf yād-e-yār baaqī rah ga.ī dil meñ 'salīm'
ek ik kar ke sabhī asbāb-e-duniyā jal gayā
Ghazal
 lau ko chhune ki hawas mein ek chehra jal gaya
sach hai yaksāñ hai adam aur vajūd-e-duniyā
aise hone ko na hone ke barābar jaanā
Ghazal
 yar ne is dil-e-nachiz ko behtar jaana
apnī duniyā usī se raushan hai
gul charāġh-e-vafā na ho jaa.e
Ghazal
 dard-e-dil ki dawa na ho jae
ḳhushī to de hī detī hai tirī duniyā mujhe lā kar
magar badle meñ vo us ke mirā īmān letī hai
Ghazal
 nihatte aadmi pe baDh ke KHanjar tan leti hai
aap ke dam se to duniyā kā bharam hai qaa.em
aap jab haiñ to zamāne kī zarūrat kyā hai
Sher
 aap ke dam se to duniya ka bharam hai qaem
daaġh duniyā ne diye zaḳhm zamāne se mile
ham ko tohfe ye tumheñ dost banāne se mile
Sher
 dagh duniya ne diye zaKHm zamane se mile
tere hoñToñ merī āñkhoñ se na badlī duniyā
phir vahī phuul khile phir vahī taare nikle
Ghazal
 chhaT gaya abr shafaq khul gai tare nikle
ab tarīqa hai yahī muuñd leñ apnī āñkheñ
varna duniyā ko hayā bhī to nahīñ aatī hai
Ghazal
 roz khulne ki ada bhi to nahin aati hai
is bharī duniyā se vo chal diyā chupke se yuuñ
jaise kisī ko bhī ab us kī zarūrat na thī
Sher
 is bhari duniya se wo chal diya chupke se yun
Top Urdushayar.com