Tags-Duniya

achchhī milī hai mujh ko ye dīvāngī-e-shauq
duniyā kā har ḳhayāl dil-e-be-ḳhabar meñ hai

ye ḳhazāne kā koī saañp banā hotā hai
aadmī ishq meñ duniyā se burā hotā hai

kyā kahīñ duniyā meñ ham insān yā haivān the
ḳhaak the kyā the ġharaz ik aan ke mehmān the

baad marne ke huā duniyā meñ yuuñ mash.hūr 'nāz'
shaan se tābūt uTThā dhuum kā mātam huā

kyā tum se ziyāda hai duniyā meñ hasīñ koī
īmān se kah denā insāf zarā karnā

sirf ik raah alag thī vo mire ishq kī raah
aur vo raah bhī duniyā se milā dī us ne

zaḳhmoñ ko rafū kar leñ dil shaad kareñ phir se
ḳhvāboñ kī koī duniyā ābād kareñ phir se

āḳhir maiñ duā meñ Dhal chukā thā
duniyā mujhe aa ke dekhtī thī

har talḳh haqīqat kā iz.hār bhī karnā hai
duniyā meñ mohabbat kā parchār bhī karnā hai

na duniyā meñ Thikāna hai na uqbā meñ Thikāna hai
tire bande agar jaanā bhī chāheñ to kidhar jaa.eñ

luTā kar dīn-o-duniyā anjuman meñ terī aa.e the
yahāñ se uTh kar ab ham Thokareñ khāne kahāñ jaa.eñ

bāhar andar ke jahānoñ se milā mujh ko farāġh
tīsrī duniyā ke chakkar kāTtā rahtā huuñ maiñ

mujhe kyuuñ aaj Thukrātī hai duniyā
kabhī us kī zarūrat bhī rahā huuñ

kār-gāh-e-duniyā kī nestī bhī hastī hai
ik taraf ujaḌtī hai ek samt bastī hai

musalsal fikr-e-duniyā fikr-e-uqbā
ab aisī zindagī kyā zindagī hai

jism apne faanī haiñ jaan apnī faanī hai faanī hai ye duniyā bhī
phir bhī faanī duniyā meñ jāvedāñ to maiñ bhī huuñ jāvedāñ to tum bhī ho

phir purānī rasmeñ haiñ aur phir vahī duniyā darmiyāñ meñ haa.el hai
vaqt aur samay kā tarjumāñ to maiñ bhī huuñ tarjumāñ to tum bhī ho

kār-e-duniyā hī kuchh aisā hai ki dil se tirā dard
silsila-vār bhī hotā hai nahīñ bhī hotā

kyā ḳhauf ho hameñ zan-e-duniyā ke makr kā
apnī madad ko himmat-e-mardāna saath hai

haath duniyā kā bhī hai dil kī ḳharābī meñ bahut
phir bhī ai dost tirī ek nazar se kam hai