Tags-Duniya

ye samundar haiñ bahut nā-kāfī
saarī duniyā ko Dubo jaanā hai

maiñ to tālib dil se hūñgā diin kā
daulat-e-duniyā mujhe matlūb nahīñ

burā kahe tum ko laakh duniyā
mire to ālī-janāb ho tum

ulaT ke rakh dī hai merī duniyā
hayāt kā inqalāb ho tum

bahut se log mile ham ko apnī duniyā meñ
koī na samjhā bahut yuuñ to ham-ḳhayāl mile

'sāġhar' kisī ko dekh ke hañsnā paḌā mujhe
duniyā samajh rahī hai mire din palaT ga.e

gila nahīñ ki mire haal par hañsī duniyā
gila to ye hai ki pahlī hañsī tumhārī thī

kam se kam duniyā se itnā mirā rishta ho jaa.e
koī merā bhī burā chāhne vaalā ho jaa.e

duniyā kā zarra zarra miyāñ ishq ishq hai
adnā ho yā ho aalā yahāñ ishq ishq hai

duniyā isī liye to samajh hī nahīñ sakī
yaaro hamāre dil kī zabāñ ishq ishq hai

karte hue tavāf-e-ḳhayālāt-e-yār maiñ
phir aa gayā huuñ zabt kī duniyā ke paar maiñ

duniyā ko dikh rahī hai to zinda-dilī mirī
patthar pe sar paTaktā huā ābshār maiñ

duniyā kā ġham hī kyā ġham-e-ulfat ke sāmne
bātil hai be-vajūd haqīqat ke sāmne

aate aate aa.egī duniyā-dārī
jaate jaate fāqa-mastī jā.egī

aur duniyā meñ ham ne kyā dekhā
sirf terā hī rāsta dekhā

dil ko duniyā se sarokār kabhī thā hī nahīñ
aañkh ne bhī magar is ruḳh ko ajab batlāyā

surḳh chaman zanjīr kiye haiñ sabz samundar laayā huuñ
maiñ to duniyā bhar ke manzar āñkhoñ meñ bhar laayā huuñ

dastūr hai duniyā kā magar ye to batāo
ham kis se mileñ kis se kaheñ iid mubārak

vo qaum kaise taraqqī karegī duniyā meñ
nahīñ hai jis kā kahīñ koī ek rahbar aaj

fasāna ban ke apnā ishq duniyā kī zabāñ par hai