Collections

Lab Shayari

Motivational Ghazals

Best Khamoshi Shayari

More Collections

Tags-Duniya

mirī hastī miTāne vaale shāyad tū nahīñ vāqif
ki miT kar bhī banegī ek duniyā mere paikar se

nazar milte hi barse ashk-e-KHun kyun dida-e-tar se

kar hī kyā saktī hai duniyā aur tujh ko dekh kar
dekhtī jā.egī aur hairān hotī jā.egī

chalte chalte ye gali be-jaan hoti jaegi

shab kī tārīkī dar-e-ḳhvāb hamesha ko band
chand din ba.ad to duniyā meñ yahī dekhnā hai

bahte dariyaon mein pani ki kami dekhna hai

ye duniyā kyā hameñ apnī Dagar par le ke jā.egī
ham apne saath bhī marzī kī rasm-o-rāh rakhte haiñ

ghurur-e-koh ke hote niyaz-e-kah rakhte hain

vo apnī ek zaat meñ kul kā.enāt thā
duniyā ke har fareb se milvā diyā mujhe

gunge labon pe harf-e-tamanna kiya mujhe

aap sach bol rahe haiñ to pashemāñ kyuuñ haiñ
ye vo duniyā hai jo achchhoñ ko burā jāntī hai

koi bachne ka nahin sab ka pata jaanti hai

ek hī shaḳhs kā kartī hai adab dhaḌkan bhī
dil to duniyā tire ādāb se kam vāqif hai

mujh mein soe hue mahtab se kam waqif hai

sair-e-duniyā ko jaate ho jaao
hai koī shahr mere dil jaisā

sair-e-duniya ko jate ho jao

bujhā diyā hai tujhe bhī 'farāz' duniyā ne
kahāñ gayā tirā har vaqt muskurānā vo

har aashna mein kahan KHu-e-mehrmana wo

haiñ aur bhī duniyā meñ suḳhnavar bahut achchhe
ham jaisā magar zauq-e-qavāfī nahīñ rakhte

kuchh uzr pas-e-wada-KHilafi nahin rakhte

kabhī hai fikr duniyā kī kabhī uqbā kā dhaḌkā hai
utārūñ jāma-e-tan se maiñ kyūñkar is dulā.ī ko

fughan-o-ah se paida kiya dard-e-judai ko

hai bad-lihāz ye duniyā koī kahāñ jaa.e
qadam qadam pe yahāñ ḳhvār honā paḌtā hai

tariq-e-ishq mein barbaad hona paDta hai

tamām ishq kī jāgīr ho ga.ī duniyā
tirī nigāh pe duniyā ko vārtā hai koī

baDe KHulus se daman pasarta hai koi

faqat na naam se chaltā hai kaam duniyā meñ
ki zer-e-sikka kabhī gul kā zar nahīñ aatā

nazar kisi ko wo mu-e-kamar nahin aata

maiñ iqtibās-e-aziyyat huuñ lauh-e-duniyā par
so mujh meñ ġham ke sivā aur kyā dikhā.ī

kabhi to chashm-e-falak mein haya dikhai de

ishq kī duniyā meñ har taklīf rāhat-ḳhez hai
iztirāb-e-dil bhī ik had tak sukūñ-āmez hai

kya kahun jazbaat ka tufan kitna tez hai

hasīñ mausam ne nazreñ pher liiñ apne taġhāful par
hue raftār-e-duniyā ke sabab shām-o-sahar ġhā.eb

safar kahne ko jari hai magar azm-e-safar ghaeb

udhar duniyā hai aur duniyā ke bande
idhar merā ḳhudā hai aur maiñ huuñ

dil-e-be-muddaa hai aur main hun

'sahar' ye aur hī duniyā hai koī
yahāñ koī bhī Dar merā nahīñ hai

ye dastak aur ye dar mera nahin hai

duniyā kī ḳhvāhishoñ ne mirī raah rok lī
duniyā kī ḳhvāhishoñ ko kuchalnā paḌā mujhe

din bhar ghamon ki dhup mein chalna paDa mujhe