Tags-Duniya

kaisī pastī meñ ye duniyā ne basāyā hai mujhe
nazar aatā hai har ik ghar mire ghar se ūñchā

duniyā vaale sab sachche par jiinā hai us ko bhī
ek ġharīb akelā paapī kis kis se sharmā.e

mujhe to bahr-e-balā-ḳhez kī zarūrat thī
simaT gayā huuñ maiñ duniyā ko rāsta kar ke

janāb-e-dil bahut nāzāñ na hoñ dāġh-e-mohabbat par
ye duniyā hai yahāñ ye daaġh bhī dhonā zarūrī hai

ai kaash samajhtā koī pas-manzar-e-paiġhām
duniyā hai ki pairāya-e-iz.hār meñ gum hai

maiñ bachcha huuñ maiñ bachcha huuñ kabhī maiñ bhī baḌā hūñgā
abhī se kaise batlā.ūñ ki is duniyā meñ kyā hūñgā

jis kī ḳhātir maiñ ne duniyā kī taraf dekhā na thā
vo mujhe yuuñ chhoḌ jā.egā kabhī sochā na thā

haiñ ek saf meñ qalandar bhī maiñ bhī duniyā bhī
sitam-zada bhī sitamgar bhī maiñ bhī duniyā bhī

ḳhudā ke naam pe kyā kyā fareb dete haiñ
zamāna-sāz ye rahbar bhī maiñ bhī duniyā bhī

vo ek lamha ki ham sab lipaT ke ro.e the
udaas raat kā manzar bhī maiñ bhī duniyā bhī

duā.eñ māñgte rahte haiñ tujh se milne kī
udaas udaas mirā ghar bhī maiñ bhī duniyā bhī

safar pe nikle to akasr bhaTak ga.e jānāñ
tumhārī yaad ke lashkar bhī maiñ bhī duniyā bhī

ġhazal ke sāñche meñ Dhalte haiñ TuuT jaate haiñ
vafā kī raah ke patthar bhī maiñ bhī duniyā bhī

judā judā haiñ magar phir bhī saath haiñ 'mansūr'
mohabbatoñ ke samundar bhī maiñ bhī duniyā bhī

tamām duniyā ke zaḳhm apne bayāñ qalam-band kar rahe haiñ
mirī savāneh-hayāt kā ek baab tayyār ho rahā hai

ab vo jo nahīñ un kī tamannā bhī bahut hai
jiine ke liye shorish-e-duniyā bhī bahut hai

yā talḳhi-e-mai hī thī javāb-e-ġham-e-duniyā
yā zikr-e-mai-o-sāġhar-o-mīnā bhī bahut hai

ye duniyā hai 'ra.īs'-e-soḳhta-jāñ
yahāñ har gaam par ik imtihāñ hai

dil kī duniyā ġham sarāpā ġham kī duniyā kyā kahūñ
kā.enāt-e-dil ko ġham-āsār rahne dījiye

saarī duniyā ho chukī be-gāna-e-hosh-o-ḳhirad
kam-se-kam 'sādiq' ko to hoshyār rahne dījiye