Tags-Duniya

phir chhoḌ diyā tanhā duniyā ne 'ḳhayāl' ham ko
phir zehn pareshāñ hai jazbāt kī halchal meñ

tabhī to 'shād' palkoñ par sajā rakkhā hai un ko
maiñ apne ḳhvāb duniyā ko dikhānā chāhtā huuñ

duniyā ke saare sadme haiñ kam hijr-e-yār se
de mudda.ī ko bhī na ye parvardigār daaġh

duniyā ki nek o bad se mujhe kuchh ḳhabar nahīñ
itnā nahīñ jahāñ maiñ koī be-ḳhabar ki ham

kuchh nahīñ hai magar hai ye duniyā
apnī apnī nazar hai ye duniyā

apne markaz pe raqs kartī huī
ik musalsal safar hai ye duniyā

ek parinde kī zad meñ aa.ī huī
ik parinde kā ghar hai ye duniyā

maiñ jidhar huuñ udhar to bas maiñ huuñ
tū jidhar hai udhar hai ye duniyā

is tarah sub.h ko lagātī hai
jaise taaza ḳhabar hai ye duniyā

nayā zamāna jo duniyā ko raushnī baḳhshe
har aadmī ko na.ī ek zindagī baḳhshe

raah kyā sūjhe mujhe duniyā mirī tārīk hai
hai kisī zulf-e-siyah meñ dil mirā uljhā huā

un ko paane se ġharaz thī kuchh na thā duniyā se bair
mil ga.e vo ham ko duniyā hī meñ aur achchhā huā

terī nādānī ye terā zo.am hai tū yaad rakh
ek hī aañsū tirī duniyā bahā le jā.egā

ārām ke the sāthī kyā kyā jab vaqt paḌā to koī nahīñ
sab dost haiñ apne matlab ke duniyā meñ kisī kā koī nahīñ

mire sajde isī duniyā meñ mere kaam aa.e haiñ
mire qātil ne mujh ko merī peshānī se pahchānā

kabhī dekhā ki dil kaise sikuḌtā hai zarūrat par
kabhī duniyā ko paisoñ kī farāvānī se pahchānā

hameñ bhī kyuuñ na ho da.avā ki ham bhī yaktā haiñ
hamāre ḳhuun ke pyāse jab ahl-e-duniyā haiñ

maiñ ne us ko ḳhvāb meñ dekhā to vo ik aur hī duniyā meñ thā
us ke har jānib bikhartī jā rahī thī rat-jagoñ kī raushnī

use patthar banā detī hai duniyā
jo dariyā hai magar bahtā nahīñ hai

ye duniyā phir numāyāñ ho rahī hai
añdherā umr bhar rahtā nahīñ hai