Tags-Dushman

jā bhiḌātā hai hamesha mujhe ḳhūñ-ḳhvāroñ se
dil baġhal-bīch mirā dushman-e-jāñ hai goyā

ab to merā dushman bhī merī tarah rotā hai
kuchh gile to kam hoñge saath saath rone se

hoñ zaḳhm-e-ishq yā ki zamāne ke dard-o-dāġh
har ġham yahāñ hai dushman-e-jānī ġhazal suno

har lahza mirī ziist mujhe bār-e-garāñ hai
vo merā lahū hai ki mirā dushman-e-jāñ hai

yūñhī kaaTe nahīñ dushman ne mire donoñ haath
us se zar baḌh ke mire haath meñ aayā huā thā

ġhusse meñ bhī rahā pās-e-dushman
kah rahe haiñ ki terā bhalā ho

dushman ahmaq ho to merā ġhussa baḌhā detā hai
saqāhat merī muayyana maqtūl hai

'maḳhfī' panāh-e-chādar-e-zehrā na chhoḌnā
ta.alīm-e-nau sunā hai ki dushman hayā kī hai

hue phirte ho dushman 'ābrū' ke ai sajan ab to
kaho ulfat dilī aur dostī jaanī vo kyā huī

ye dushman kā makān apnā hī ghar hai
lagā deñ aap be-ḳhauf-o-ḳhatar aag

dushman-e-jānī ko apne dī na iizā 'rind' ne
daañt hī toḌā na chhālā us ne phoḌā saañp kā

na suno mere naale haiñ dard-bhare dār-o-asare āh-e-sahare
tumheñ kyā jo koī martā hai mire ai dushman-e-jāñ be-dād-gare

tirī manzil-e-vafā meñ huā ḳhud se āshnā maiñ
tirī yaad kā karam hai ki yahī hai dost dushman

merā dushman mire apnoñ meñ chhupā baiThā hai
us kī jānib maiñ ishārā bhī nahīñ kar saktā

kis ke saath hamārī yak-jānī kā manzar ban paatā
aadhe jaan ke dushman the aur aadhe jaan se pyāre log

'sirāj' apne siiñ kyuuñ visvās hai ai sham.a-rū tum kuuñ
kisī āshiq kuuñ tum māshūq kā dushman na dekhoge

dil meñ jo hai sab kah Daalo vaqt bahut kam baaqī hai
kaun yahāñ hai dost tumhārā jo dushman ho jā.egā

dushman se aur hotīñ bahut bāteñ pyaar kī
shukr-e-ḳhudā ye hai ki vo but kam-suḳhan huā

nikle vo aah apne dushman-e-jāñ
ham ne jin jin ko dost jaanā thā

dostī ḳhatm huī saaf batā de mujh ko
kam se kam yuuñ kisī dushman kī tarah vaar na kar