Tags-Dushman

dushman aur ik nigah meñ lauT na jaa.e
choT puurī magar nahīñ aatī

dushman kī maut kā tumheñ kyūñkar na ho malāl
ik bā-vafā jahāñ meñ vahī thā vahī nahīñ

dushman kī raah rok ke baiThā huuñ aaj maiñ
duniyā kā rāsta hai tumhārī galī nahīñ

thī yāroñ kī bohtāt to ham aġhyār se bhī bezār na the
jab mil baiThe to dushman kā bhī saath gavārā guzre thā

yuuñ bhī hālāt se samjhauta kiyā hai aksar
dushman-e-jāñ ko bhī ham apnā nigahbāñ samjhe

marg-e-dushman pe maut rotī hai
ye asar hai tirī pachhāḌoñ meñ

garebāñ chaak āñkheñ surḳh barham kākul-e-pechāñ
ye kyā sūrat banā.ī haa.e tum ne ġham meñ dushman ke

hasīnān-e-jahāñ ke Dhañg duniyā se nirāle haiñ
ki hote haiñ ye dushman dost ke aur dost dushman ke

dushman-e-shahr ko aage nahīñ baḌhne dete
aur koī tamġha-e-jur.at bhī nahīñ māñgte ham

dushman ke tan pe gaaḌ diyā maiñ ne apnā sar
maidān-e-kār-zār kā pāñsa palaT gayā

pyaar ke dushman kabhī to pyaar se kah ke to dekh
ek terā dar hī kyā ham to zamāna chhoḌ deñ

aaj dushman hai jaan kā merī
thā kabhī ye samāj merā bhī

ham kahāñ ke daanā the kis hunar meñ yaktā the
be-sabab huā 'ġhālib' dushman āsmāñ apnā

tā kare na ġhammāzī kar liyā hai dushman ko
dost kī shikāyat meñ ham ne ham-zabāñ apnā

svārāj kā jhanDā bhārat meñ gaḌvā diyā gāñdhī baabā ne
dil qaum-o-vatan ke dushman kā dahlā diyā gāñdhī baabā ne

tū mujhe dushman samajhtā hai to dushman hī sahī
tū bhī vāqif hai koī nādān sāthī maiñ na thā

jab bhī maiñ ne chāhā 'rāġhib' dushman par yalġhār karūñ
ḳhud ko apne sāmne pā kar maiñ ne ḳhud ko rokā hai

dushman kī nazar aatā huuñ maiñ jaan kā apnī
phīkī hai raqīboñ kī raqābat mire aage

na poñchho tajrabāt-e-zindagānī choT lagtī hai
nazar ab dost aur dushman kī pahchānī nahīñ jaatī

maiñ chāhtā huuñ ki dushman ko surḳh-rū kar duuñ
magar safed kabūtar ḳhilāf rahtā hai