Tags-Dushman

fitna-e-jāñ vo suḳhan-e-dil-pazīr
dushman-e-dīñ vo nigah-e-sahar-fan

ġhair apne ho ga.e shīrīñ ho gar apnī zabāñ
dost ho jaate haiñ dushman talḳh ho jis kī zabāñ

maiñ to yaaro aap apnī jaan kā dushman huā
zahr ban ke aap apnī ruuh meñ utrā huuñ maiñ

mirā dushman mujhe lalkār ke jā.egā kahāñ
ḳhaak kā taish huuñ aflāk kī dahshat huuñ maiñ

farebī āñkheñ rasīlī chitvan adā ishāra nigāh rahzan
ye apne do tiin haiñ jo dushman nazar meñ anjum taḌe hue haiñ

ik aag hai jañgal kī rusvā.ī kā charchā hai
dushman bhī chale aa.e milne ke bahāne se

un ke tum dost ho ki dushman ho
vo jo maqtal meñ jā chuke hoñge

vo tab bhī gurezāñ the magar dushman-e-dil the
vo ab bhī gurezāñ haiñ magar dushman-e-dīñ haiñ

lazzateñ haiñ dushman-e-auj-e-kamāl
kulfatoñ se jī lagānā chāhiye

lagne lageñge dost bhī dushman sabhī tumheñ
ya.anī hai kis ke haath meñ ḳhanjar na dekhnā

dil diyā us ko par ye Dartā huuñ
dushman ik dost ke kiyā hamrāh

mirī kamzoriyoñ par jab koī tanqīd kartā hai
vo dushman kyuuñ na ho us se mohabbat aur baḌhtī hai

dushman o dost se ābād haiñ donoñ pahlū
dil salāmat hai to ghar ishq kā barbād nahīñ

kahīñ ye saaf hotā hai kudūrat aur kiine se
agar zaḳhm-e-jigar mil bhī gayā dushman ke siine se

yuuñ to mumkin nahīñ dushman mire sar par pahuñche
pahre-dāroñ meñ koī aañkh jhapak jaatā hai

faqat nām-e-mohabbat par hukūmat kar nahīñ sakte
jo dushman se kabhī laḌne kī tayyārī nahīñ rakhte

nāseh vo shoḳh dushman-e-īmāñ thā vāqa.ī
aur phir mirā mizāj bhī kuchh āshiqāna thā

dushman-e-mehr-o-vafā se koī kartā hai nibāh
kaun chāhegā tujhe tere 'musavvir' kī tarah

zarā maiñ mehrbāñ honā zarā maiñ jaan ke dushman
ajab dil hai hasīnoñ kā abhī kuchh hai abhī kuchh hai

kisī ko paane kā ehsās is tarah se rahe
to bazm-e-dost se dushman ko hī uThā diyā jaa.e