Tags-Dushman

azmat-e-āshiyāna baḌhā dī
barq ko dost samjhūñ ki dushman

kal mujhe qatl kar us dushman-e-dīñ kāfir ne
bolā logoñ se ye thā mard-e-musalmān aziiz

purāne vaqtoñ ke kuchh log ab bhī kahte haiñ
baḌā vahī hai jo dushman ko bhī muaaf kare

dushman kī chaap sun ke na ḳhāmosh baiThte
jo farz tum pe thā vo adā kar ke dekhte

mirā dil dekho ab yā mere dushman kā jigar dekho
tumhāre bas meñ āñkheñ haiñ jidhar jaao udhar dekho

āmāda-e-harb-e-lā-zamānī
dushman kī ajnabī nishānī

apne dushman se hameñ 'iqbāl' koī Dar nahīñ
un se be-shak ḳhauf hai jo darmiyāñ ke log haiñ

mujhe dushman se bhī ḳhuddārī kī ummīd rahtī hai
kisī kā bhī ho sar qadmoñ meñ sar achchhā nahīñ lagtā

jis ne dekhā hameñ dushman kī nazar se dekhā
terī mahfil meñ koī dost hamārā na milā

dushman-e-jān samajhtā hai ki tanhā huuñ maiñ
maiñ ne dushman ko batānā hai ki nā nā aanā

kahte haiñ unhīñ ko dushman-e-dil hai naam usī kā nāseh bhī
vo log jo rah kar sāhil par mañjdhār kī bāteñ karte haiñ

dushman hai ek shaḳhs bahut ek shaḳhs kā
haañ ishq ek naam ko hai ek naam se

sabā jo raah meñ dushman mileñ to farmānā
ki ye to kuchh na kiyā ho sake to aur kare

vaade kī jo saa.at dam-e-kushtan hai hamārā
jo dost hamārā hai so dushman hai hamārā

mujhe dushman kā bhī dil toḌnā achchhā nahīñ lagtā
kisī kī bad-duāoñ kā asar hone se Dartī huuñ

dushman hai kaun faisla ho hī nahīñ rahā
hai kaun ġham-gusār mujhe kuchh pata nahīñ

aisī tanhā.ī se to 'shahzād' mar jaanā bhalā
ek bhī dushman nahīñ aur ek bhī hamdam nahīñ

jo kare fikr-e-rihā.ī vahī dushman Thahre
uns ho jaa.e na taa.ir ko kisī daam ke saath

dost ban kar vafā na kī jis ne
huā dushman to mo'tabar niklā

vahī to dushman-e-jāñ hai usī se kaise bacheñ
vo ek shaḳhs jo aayā thā kal yahāñ tanhā