Tags-Dushman

tū dashna-e-nafrat hī ko lahrātā rahā hai
tū ne kabhī dushman se lipaT kar nahīñ dekhā

dushman harīf-e-rāh-e-vafā hai ḳhudā kī shaañ
vahāñ jis pe thā yaqīn mujhe us kā gumāñ na thā

'arsh' maiñ ḳhud huuñ sadā apne sukūñ kā dushman
dasht-e-ummīd bhī bar-dosh-e-havā rakhtā huuñ

dushman koī ai yaar mirā aur tirā dost
hogā na zamāne meñ mire dil ke barābar

maiñ vo ik mujrim-e-ta.azīr talab huuñ ki sadā
badle dushman ke uqūbat kā sazā-vār rahā

har safar se kashtiyoñ kā lauTnā mumkin nahīñ
kyā pata kab lahr koī dushman-e-jānī milī

kamāl-e-dostī andesha-e-dushman nahīñ rakhtā
kisī bhañvre se kis din koī mār-e-yāsman bigḌā

dard ke sahn ko dushman nahīñ jaanā ham ne
is meñ dilkash na.ī duniyā kī nishānī dekhī

mirī dushman mirī be-bāk-goī
mirī rāhoñ meñ kāñTe bo rahī hai

ḳhayāloñ ḳhayāloñ meñ kis paar utre
na dushman koī naañ jahāñ yaar utre

ḳhair māñgeñ kisī dushman ke liye ab 'ālam'
ain mumkin hai duāoñ meñ asar aane lage

dasht-e-ibrat-sarā meñ rahnā tū sar se saudā nikāl kar rakhnā
log dushman kahīñ na ho jaa.eñ koī aisā kamāl mat karnā

logo ham to ek hī sūrat meñ hathiyār uThāte haiñ
jab dushman ho apne jaisā ḳhud-sar bhī aur ham-sar bhī

aise tevar dushman hī ke hote haiñ
patā karo ye laḌkī kis kī beTī hai

jahāñ tak sāz-dārī hai likhī dushman ke taal.e meñ
hameñ badnām kar ke tāl.e-e-nā-sāz se maarā

allāh-re o dushman-e-iz.hār-e-mohabbat
vo dard diyā hai jo kisī se na davā ho

huī sarsabz jo sohbat meñ 'amānat' kī ġhazal
rañg dushman kā huā rashk se ik baar safed

vo mirā saffāk dushman laakh maiñ ġhāfil na huuñ
ḳhud mire ghar se mujhe ik din bulā le jā.egā

dushman ke ghar būñdeñ barsīñ
merī chhat se bādal niklā

ye bhī mumkin hai vo
ek dushman qabīle kā koī safīr-e-adāvat yā dahshat ho yā phir koī