Tags-Dushman

ma.alūm ye hotā hai ab tak yūsuf ke barādar zinda haiñ
jab apne dushman ho jaa.eñ ġhairoñ kī shikāyat kaun kare

ek dushman hai ki tum sunte ho us kā kahnā
ek maiñ huuñ kabhī hotā nahīñ merā kahnā

use paañv jamāne ko kināra mil gayā hai
banegā dost ab dushman ishāra mil gayā hai

kū-e-dushman meñ ho ga.e pāmāl
āmad-o-raft-e-bār-bār meñ ham

saarī tavajjoh dushman par markūz thī merī
apnī taraf se to bilkul hī ġhāfil thā maiñ

khā ke sau pech kahā maiñ to nikalne kā nahīñ
magar ai dushman-e-jāñ chal tū mire haañ se nikal

is nazākat kā burā ho bazm se
uThte haiñ vo dast-e-dushman thaam ke

tum ne dushman se kahīñ aañkh laḌā.ī hogī
kyuuñ huā tīr-e-nazar aaj ḳhatā aap hī aap

sirf dushman raushnī kā intizār-e-zindagānī ġhazva-e-ḳhandaq huī
is qadar dekhā ki nā-bīnā hue

mujh meñ aur un meñ sabab kyā jo laḌā.ī hogī
ye havā.ī kisī dushman ne uḌaa.ī hogī

na tanhā kuchh yahī atfāl dushman haiñ divānoñ ke
bhare hai koh bhī dekhā to yaañ pattharoñ se dāmāñ ko

'shā.ir' vo aaj phir vahīñ jaate hue mile
dushman ke sar pe TuuT paḌe āsmāñ kahīñ

kaam aa jā.egā dushman kī mohabbat meñ kabhī
ehtiyātan dil-e-nākām diye jaate haiñ

tīr-e-qātil ko kaleje se lagā rakkhā hai
ham to dushman ko bhī ārām diye jaate haiñ

aur karnā hai charḳh ko dushman
mehrbāñ tujh ko dekhte haiñ ham

kahte haiñ unhīñ ko dushman-e-dil hai naam unhīñ kā nāseh bhī
vo log jo rah kar sāhil par mañjdhār kī bāteñ karte haiñ

sahrā.iyoñ se sīkhe koī rumūz-e-hastī
ābādiyoñ meñ akasr dushman haiñ āgahī ke

dushman-e-zīst pe jaañ detā huuñ
aur jiine kī nishānī kyā hai

kaisī rut aa.ī ki saarā baaġh dushman ho gayā
shāḳh-e-gul meñ bhī hameñ talvār ke jauhar mile

yahī bahut hai ki is baar bhī maiñ dushman ko
burā samajhte hue bhī burā nahīñ samjhā