Tags-Dushman

asl īmāñ hai mohabbat jise qismat se mile
kaun kahtā hai ki ye dushman-e-dīñ hotī hai

tīnoñ dushman haiñ mere ḳhvāboñ ke
ye mire dost āgahī dastak

maiñ huuñ marhūn-e-minnat sulh-e-kul kā jab se ai 'arshad'
yaqīn-e-dostī hone lagā hai mujh ko dushman par

vo be-insāf aur apnī vafā kī daad yā qismat
gumān-e-dostī hai sādgī se ham ko dushman par

ye sher-o-shā.erī kā hī faizān hai 'qamar'
dushman bhī kar rahā hai tirī baat in dinoñ

ek hī vaar meñ ab ai sāthī dushman se chhuTkārā hai
ye dhartī ye jīvan-sāgar ye sansār hamārā hai

qaabū hai terā 'hasrat' mat chhoḌ mudda.ī ko
dushman ko maslahat niiñ hargiz majāl denā

rashk-e-dushman kā fā.eda mālūm
muft jī kā zarar na ho jaa.e

us se bachnā muhāl hai yaaro
mere dushman kī chaal thoḌī hai

maiñ ki ek mehnat-kash maiñ ki tīrgī-dushman
sub.h-e-nau ibārat hai mere muskurāne se

saare dushman ho ga.e zer-e-nagīñ
ḳhud se ab vo bar-sar-e-paikār hai

mirī nazar se milī 'faiz' jab nazar us kī
to mere dushman-e-jānī kā rañg uḌne lagā

gor tak vo saath mayyat ke rahe had ho ga.ī
dushman-e-jāñ se bhī haqq-e-dostāna ho chukā

maiñ jab maidān ḳhālī kar ke aayā
mirā dushman akelā rah gayā thā

na hone paa.e vāqif lazzat-e-ta.azīr se dushman
mazāhir chand ho us kī magar ham ko sazā denā

mire dushman bhī ab to aa rahe haiñ
tumheñ kis vaqt jaane kī paḌī hai

merā vaqār ziist na majrūh kar sake
dushman hazār hīla-o-sāzish ke bāvajūd

har vafā nā-āshnā se bhī vafā karnā paḌī
dil se dushman ke liye aksar duā karnā paḌī

dushman iizā dete haiñ har martaba mujh ko 'rashīd'
ġhussa aatā hai magar maiñ dekhtā huuñ sū-e-dost

batā rahe haiñ falak ko dushman vo muntaqim hai kare jo chāhe
uThe hue haiñ jo haath apne tasavvur us ko duā na karnā