Tags-Dushman

yahīñ ho apnā sā haal dushman mile na dozaḳh balā se us ko
na nikle jab tak ye hasrat apnī ilāhī mahshar bapā na karnā

batā rahe haiñ falak ko dushman vo muntaqim hai kare jo chāhe
uThe hue haiñ jo haath apne tasavvur us ko duā na karnā

vo jāneñ ishq-o-havas ko jab tak hayāt dushman kī hai ġhanīmat
baḌhegī us se hī qadr apnī ki ġhārat us ko ḳhudā na karnā

bar-sar-e-paikār apne-āp se huuñ kyā karūñ
merā dushman bhī mirī miTTī se paidā ho chukā

mujh par ba-taur-e-ḳhās thī us kī nigāh-e-lutf
kahtā maiñ kis tarah mire dushman meñ kuchh na thā

samjhā.eñ kis tarah dil-e-nā-kardā-kār ko
ye dostī samajhtā hai dushman ke pyaar ko

kaheñ kyā mudda.ā apnā sunā.eñ rāz-e-dil kyuuñ kar
hamāre sāmne kuchh aadmī dushman ke baiThe haiñ

jab jab ham ko dushman ne lalkārā hai
ham ne sau sau jaan se ḳhud ko maarā hai

abhī har dushman-e-nazm-e-kuhan ke giit gaanā hai
abhī har lashkar-e-zulmat-shikan ke giit gaanā hai

na āḳhir bachā parda-e-rāz-e-dushman
huā chaak merā garebān ho kar

na kahā jaa.e ki dushman na kahā jaa.e ki dost
kuchh samajh meñ nahīñ aatā hai 'asar' kaun hai vo

kū-e-dushman meñ jā pakaḌtā kyuuñ
kyā mujhe sharmsār honā thā

aur se ham-kanār hai dushman
aaj to ham-kanār honā thā

dosto aa.e haiñ vo dushman ke saath
mujh ko dete ho mubārakbād kyā

ḳhauf dushman kī tarah mere ta.āqub meñ bhī thā
ḳhanjar-e-vahm ke maiñ ne bhī sahe vaar bahut

zarūrat hī nahīñ dushman kī 'tābish'
mujhe merī tan-āsānī bahut hai

ai musībat terā aanā bhī hai goyā mo.ajiza
dost aur dushman ke saare farq pahchāne ga.e

mere dushman to kabhī vaar na karte lekin
mere apnoñ ne safī' kar diyā lāchār mujhe

vo ajab dushman-e-jāñ thā jo mujhe chhoḌ gayā
mere andar hī kahīñ mujh ko saf-ārā kar ke

kabhī be-niyāz-e-maḳhzan kabhī dushman-e-kinārā
kahīñ tujh ko le na Duube tirī zindagī kā dhārā