Tags-Aansoo

qabr pe aañsū bahā ke aa.e haiñ
baaġh meñ milne ga.e the mor se

aañsū poñchh ke hañs detā hai
aag meñ aag lagāne vaalā

isī ḳhayāl se palkoñ pe ruk ga.e aañsū
tirī nigāh ko shāyad subūt-e-ġham na mile

putliyoñ par raqs karnā hī kalām-e-fan nahīñ
dard ke aañsū ko to paiham ravānī chāhiye

un kī āñkhoñ meñ chhalak aa.e haiñ aañsū 'fitrat'
mere dāman meñ umīdoñ kā ḳhazīna aayā

gul zaḳhm ko aañsū ko guhar ham ne kahā hai
har aib-e-mohabbat ko hunar ham ne kahā hai

vo bahāne lage āñkhoñ se lahū ke aañsū
rañg le aa.ī hai ye merī vafā mere ba.ad

phir se āñkhoñ ke sāġhar chhalakne lage mauj-dar-mauj aañsū nikalne lage
'tāb' ghar meñ vo mehmān phir aa gayā jis ke aane kī koī ḳhabar bhī na thī

un ko 'nāsir' kabhī āñkhoñ se na girne denā
merī āñkhoñ meñ inheñ lagte haiñ pyāre aañsū

aap lillāh mirī fikr na kiije hargiz
aa ga.e haiñ yūñhī bas shauq ke maare aañsū

aaj ashkoñ pe mire tum ko hañsī aatī hai
tum to kahte the kabhī in ko sitāre aañsū

merī fariyād sunī hai na vo dil mom huā
yūñhī bah bah ke mire aaj ye haare aañsū

dāman-e-sabr bhī hāthoñ se mire chhūT gayā
ab to aa pahuñche haiñ palkoñ ke kināre aañsū

mere Thahre hue ashkoñ kī haqīqat samjho
kar rahe haiñ kisī tūfāñ ke ishāre aañsū

mere hoñToñ ko to jumbish bhī na hogī lekin
shiddat-e-ġham se jo ghabrā ke pukāre aañsū

un kī āñkhoñ meñ jo aa.eñ to sitāre aañsū
merī āñkhoñ meñ agar huuñ to bichāre aañsū

aaj tak ham ko qalaq hai usī rusvā.ī kā
bah ga.e the jo bichhaḌne pe hamāre aañsū

tum ko rimjhim kā nazāra jo lagā hai ab tak
ham ne jalte hue āñkhoñ se guzāre aañsū

laal o gauhar ke ḳhazāne haiñ ye saare aañsū
koī āñkhoñ se churā le na tumhāre aañsū

tū to kahtā thā na ro.eñge kabhī tere liye
aaj kyuuñ aa ga.e palkoñ ke kināre aañsū