Tags-Aansoo

vo ma.asūm tanhā pareshāñ sī laḌkī use yaad merī satātī to hogī
nigāhoñ ke bādal baraste jo hoñge vo chhup-chhup ke aañsū bahātī to hogī

khanak uTTheñ na palkoñ par kahīñ jalte hue aañsū
tum itnā yaad mat aao ke sannāTā duhā.ī de

jab ham samundar banñā chāhte haiñ
aur mahz ek aañsū ban ke

ḳhushī ke naam par āñkhoñ meñ aañsū aa hī jaate haiñ
ba-qadr-e-ġham mohabbat meñ ḳhushī taqsīm hotī hai

shāyad unheñ thā hadisa-e-zabt-e-ġham kā Dar
aañsū laraz ke dīda-e-tar hī meñ rah ga.e

āñkheñ merī sastī haiñ
aañsū tere mahñge haiñ

maqsūd hai qadr-o-qīmat bhī zebā.ish-e-husn-e-ḳhūbāñ kī
har ḳhuun ke aañsū ko lekin ab la.al-e-badaḳhshāñ kaun kare

baiThe the log pahlū-ba-pahlū piye hue
ik ham the terī bazm meñ aañsū piye hue

baheñ na aañkh se aañsū to naġhmagī be-sūd
khileñ na phuul to rañgīni-e-fuġhāñ kyā hai

kab use dīda-e-tar dāva-e-ham-chashmī hai
aaTh aaTh aañsū na tum abr-e-bahārī ko rulāo

ye na kahiye ki mirī aañkh se Tapkā aañsū
chhoḌiye bhī koī TuuTā huā taarā hogā

ḳhabar kyā thī ki vo ik roz mujh ko bhuul jā.egī
aur us kī yaad mujh ko ḳhuun ke aañsū rulā.egī

aañkh meñ 'fārūq' aañsū aa ga.e
kyā fasāna aa gayā anjām par

hamārī aañkh meñ aañsū na us ke lab pe hañsī
ḳhayāl ḳhātir-e-abr-e-bahār kyā karte

soch lo kal kahīñ aañsū na bahāne paḌ jaa.eñ
ḳhuun kā kyā hai ragoñ meñ vo yūñhī khaultā hai

kis anmol pashemānī kī daulat hai in ā.ankhoñ meñ
palkoñ par do aañsū jhamkeñ motī ke se daane do

TuuTe kāñTe to zaḳhm ro.e
aañsū Tapke ḳharāsh-e-pā se

mirī judā.ī meñ aañsū bahā.e jaate haiñ
ye fitna merī lahad par jagā.e jaate haiñ

bahātā huuñ kabhī aañsū kabhī phirtā huuñ maiñ vāpas
mohabbat kī ḳhalish aisā shab-e-ġham meñ satātī hai

ashk motī na the bah ga.e bah ga.e hañste hañste ye tum aaj kyā kah ga.e
yaad kar ke vo din ham bhī chup rah ga.e jab in āñkhoñ meñ aañsū gavārā na thā