Tags-Aansoo

nahīñ haiñ aañsū hī koī zabāñ mire dil kī
hai aisā ashk bhī āñkhoñ se jo ravāñ na huā

baḌī mushkil se maiñ dāman chhuḌā kar lauT aa.ī huuñ
vo aañsū aur vo ġhamgīn chehre yaad aate haiñ

phir mirī aañkh se aañsū Tapkā
koī ummīd bañdhī ho jaise

rahm kar maiñ tirī mizhgāñ pe huuñ aañsū kī tarah
kis qayāmat kī bulandī se girātā hai mujhe

mujh ko ruḳhsat kar rahe haiñ vo ajab andāz se
aañkh meñ aañsū laboñ par ye hañsī dekhī na thī

ek terā hī tabassum to na thā vaj.h-e-sukūñ
mere aañsū bhī mohabbat meñ bahut kaam aa.e

kabhī dil bhī nahīñ ik zaḳhm āñkhoñ kī jagah aañsū
kabhī maiñ bhī na thā bas Diary meñ sher likkhā thā

apne aañsū bhī kiye nazr kisī paanī ke
pyaas dariyā kī bahar-taur bujhā aayā huuñ

rulā.e jaatī hai un kī hasrat chalī hī aatī hai mujh ko riqqat
raheñgī kaahe ko merī āñkheñ jo yūñhī aañsū bahā kareñge

kisī kī aañkh meñ aañsū hameñ pasand nahīñ
diloñ ke zaḳhm dikhāne kī zid nahīñ karte

vaqt se kahiyo zarā kam kam chale
kaun yaad aayā hai aañsū tham chale

dhīre dhīre chaTTāneñ pighaltī rahīñ qatra qatra samundar nigaltī rahīñ
vo jo aañsū na Dhalkā kabhī gaal par, us ko dil ke sadaf ne guhar kar liyā

us ne bhī āñkhoñ meñ aañsū rok liye
maiñ bhī apne zaḳhm chhupāne vaalā thā

ik dūsre se ho ke alag ḳhush rahegā kaun
taḌpeñge ham bhī ḳhud bhī tum aañsū bahāoge

tumhārī yaad se hai vo charāġhāñ
kī aañsū bhī sitārā ho gayā hai

kis anmol pashemānī kī daulat hai in ā.ankhoñ meñ
palkoñ par do aañsū jhamkeñ motī ke se daane do

laate nahīñ nazar meñ ġhaltīnī guhar ko
ham mo'taqid haiñ apne aañsū hī kī Dhalak ke

rokā thā dam bhar lahrātā aañsū
aa aa gayā hai dāñtoñ pasīna