Tags-Aansoo

isī kāran nahīñ royā tire aage
mire aañsū tirī palkoñ se kyuuñ uljheñ?

ve din ga.e ki aañsū rote the 'mīr' ab to
āñkhoñ meñ laḳht-e-dil hai yā pāra-e-jigar hai

aa.egā 'tabassum' un laboñ par
aañsū bhī kabhī asar kareñge

aur kuchh tohfa na thā jo laate ham tere niyāz
ek do aañsū the āñkhoñ meñ so bhar laa.eñ haiñ ham

mire liye to vo dīvān-e-'mīr' jaisā thā
huā thā nam kabhī kāġhaz jo pahle aañsū se

jhulas rahā thā ka.ī din se aañkh kā sahrā
ye dasht ho gayā sairāb ek aañsū se

ek aañsū bhī asar jab na kare ai 'tishna'
fā.eda rone se ab dīda-e-tar kuchh bhī nahīñ

vo saarī sub.heñ tamām shāmeñ ki jin ke māthe pe ham likhe the
sunā hai kal shab tumhāre dar par lahū ke aañsū bahā chukī haiñ

na gard-e-rāh hai ruḳh par na aañkh meñ aañsū
ye justujū bhī sahī us kī justujū to nahīñ

mom sifat logoñ ne merā hañs ke tamāsha dekhā to
vo patthar thā lekin us kī aañkh se aañsū Tapkā to

baras paḌe mirī āñkhoñ se yak-ba-yak aañsū
kisī kī yaad jab aa.ī baraste sāvan meñ

bahut aañsū bahā.e chāhatoñ kī ibtidā meñ
baḌī mushkil se ham par ishq ke ādāb utre

be-ḳhudī meñ DabDabā aa.e haiñ aañsū aañkh meñ
al-madad ai zabt chhalkā chāhtā hai jām-e-ishq

dikhā.iye na hameñ aap mausamī aañsū
ki ye hunar to hameñ be-hisāb aatā hai

aañsū ban kar TuuT gayā thā jo sapnoñ kī palkoñ se
saat yugoñ se soch rahā huuñ maiñ us pal ke baare meñ

zamāne ko duuñ kyā ki dāman meñ mere
faqat chand aañsū haiñ vo bhī kisī ke

merī āñkhoñ se nikal aa.e ḳhushī ke aañsū
beTī ruḳhsat jo huī gūñjtī shahnā.ī meñ

tū mere dard kī ḳhāmosh hichkiyoñ meñ aa
tū mere zaḳhm kī tanhā.iyoñ kā aañsū ban

harf ke taar meñ jitne aañsū piro.e ga.e
dard un se fuzūñ thā

aañsū bayān karne se qāsir rahe jinheñ
kyā kyā na zaḳhm zaat ke andar guzar ga.e