English
Favourite
Favourite
UrduShayarUrduShayar
Expand menu
Sign inAccount

Tags-Aansoo

aañkh meñ aañsū haiñ ehsās-e-masarrat dil meñ hai
ek firdaus-e-nazāra aap kī mahfil meñ hai
Ghazal
 aankh mein aansu hain ehsas-e-masarrat dil mein hai
zaḳhmoñ kī munājāt meñ pinhāñ vo asar thā
āñkhoñ se Tapaktā huā aañsū bhī guhar thā
Ghazal
 zaKHmon ki munajat mein pinhan wo asar tha
ek aañsū bhī hukūmat ke liye ḳhatra hai
tum ne dekhā nahīñ ā.ankhoñ kā samundar honā
Sher
 ek aansu bhi hukumat ke liye KHatra hai
kabhī hañste haiñ aur āñkhoñ meñ aañsū aa.e jaate haiñ
kabhī rote haiñ aur dāmān-e-mizhgāñ nam nahīñ hotā
Ghazal
 sitam ye hai ki un ka jaur-e-paiham kam nahin hota
jis jagah Tap se aañsū kā qatra girā
ek sho.ala sā bhaḌkā vahīñ nā-gahāñ
Ghazal
 teri yaadon mein khoe rahen meri jaan
ai mirī chashm-e-pashemāñ apne aañsū rok le
raat kī tanhā.ī meñ rone se kyā mil jā.egā
Ghazal
 tu nahin to tera dard-e-jaan-faza mil jaega
maiñ ki jis ne har sa.ūbat muskurā kar jhel lī
manzileñ aa.iiñ to kyuuñ āñkhoñ meñ aañsū aa ga.e
Ghazal
 aandhiyan gham ki chalin aur karb-baadal chha gae
hai dil meñ josh-e-hasrat rukte nahīñ haiñ aañsū
ristī huī surāhī TuuTā huā subū huuñ
Ghazal
 dil kushta-e-nazar hai mahrum-e-guftugu hun
ik chiñgārī ik jugnū ik aañsū aur ik phuul
jaate hue kyā kyā us ne rūmāl pe chhoḌ diyā
Ghazal
 tanha kar ke mujhko salib-e-sawal pe chhoD diya
tire ushshāq kār-e-dast ko karte haiñ āñkhoñ se
guhar aañsū ke kis siffat se mizhgāñ meñ pirote haiñ
Ghazal
 ye naKHl-e-tak nin mai-kash tere jab mast hote hain
ġhazloñ kā hunar apnī āñkhoñ ko sikhā.eñge
ro.eñge bahut lekin aañsū nahīñ ā.eñge
Ghazal
 ghazlon ka hunar apni aankhon ko sikhaenge
thame aañsū to phir tum shauq se ghar ko chale jaanā
kahāñ jaate ho is tūfān meñ paanī zarā Thahre
Sher
 thame aansu to phir tum shauq se ghar ko chale jaana
na ai sham.a ro ro ke mar shaam hī se
abhī tujh ko aañsū bahāne bahut haiñ
Ghazal
 salamat hai sar to sirhane bahut hain
maiñ tirī aañkh se Dhalkā huā ik aañsū huuñ
tū agar chāhe bikharne se bachā le mujh ko
Ghazal
 shaKH-e-mizhgan-e-mohabbat pe saja le mujhko
Dubā dil kā ghar aañkh tak aan pahuñchā
ab aañsū kā naalā ubalne lagā hai
Ghazal
 nam-e-ashk aankhon se Dhalne laga hai
dil-e-gudāz ne āñkhoñ ko de diye aañsū
ye jānte hue ġham ke chalan kuchh aur bhī haiñ
Ghazal
 sharik-e-mahfil-e-dar-o-rasan kuchh aur bhi hain
aañsū bahne lage dekhte hī
zulf-e-mahbūb hai yā dhuāñ hai
Ghazal
 har taraf majma-e-ashiqan hai
huuñ vo ġham-dīda hañse koī to maiñ rone lagūñ
kuchh bahānā chāhiye aañsū bahāne ke liye
Ghazal
 chhanta hai KHak kya tu ghar banane ke liye
harf aañsū ḳhamoshī suḳhan
us kī yādoñ ke haiñ rañg sab
Ghazal
 titliyan KHushbuen rang sab
dukh samajhnā paḌegā bachche kā
pahlā aañsū hai gaal par filhāl
Ghazal
 baiTh kar ek Dal par filhaal
Top Urdushayar.com