Tags-Aansoo

maiñ isī shahr meñ aañsū liye phirtā huuñ jahāñ
peḌ chiḌiyoñ kī munājāt pe shak karte haiñ

maiñ huuñ apne daur ke ik sāhab-e-fan kā kamāl
aane vaalā mujh pe do aañsū bahā kar jā.egā

magar ye aañsū lahakte lamhoñ ke aa.ine haiñ
in āñsuoñ meñ

hañso to saath hañsnegī duniyā baiTh akele ronā hogā
chupke chupke bahā kar aañsū dil ke dukh ko dhonā hogā

hai ai 'sirāj' har shab mahtāb-rū ke ġham meñ
aañsū kā mere jhamkā jyuuñ ḳhosha-e-surayyā

ye paanī kā hai farz har haal meñ
so aañsū bhī nikle to sabza kareñ

jitne aañsū haiñ mire paas vo le le saare
aur vo zabt kā lamha mujhe vāpas kar de

gar nahīñ miltī sharāb-e-nāb aañsū hī sahī
kuchh to piinā chāhiye furqat meñ ġham khāne ke ba.ad

kisī kā karb mirī zaat se umaDtā hai
kisī kī aañkh kā aañsū mujhī ko honā thā

saat falak kyuuñ Dhalte haiñ aañsū meñ mere
paanī kī tashkīl meñ sahrā kyuuñ aatā hai

aap ab aa.e aañsū poñchhne
jab mire dāman pe dhabba aa gayā

Thiik hai ai zabt-e-ġham! aañsū koī Tapkā nahīñ
par ye dil se aañkh tak paiham safar meñ kaun hai

unheñ āñkhoñ ne bedardī se be-ghar kar diyā hai
ye aañsū qahqaha banñe kī koshish kar rahe the

karo ham ko na sharminda baḌho aage kahīñ baabā
hamāre paas aañsū ke sivā kuchh bhī nahīñ baabā

ai dil-e-nādāñ kisī kā rūThnā mat yaad kar
aan Tapkegā koī aañsū bhī is jhagḌe ke biich

kaun hai is rim-jhim ke pīchhe chhupā huā
ye aañsū saare ke saare kis ke haiñ

ehsās judā.ī donoñ taraf āñkhoñ se merī aañsū haiñ ravāñ
us paar na jaane kaisā samāñ is paar ye pahlī bārish hai

vahī bhūke vahī aaheñ vahī aañsū haiñ 'sahāb'
shahr kā naam badal jaane se badlā kyā hai

bas us kī pahchān yahī hai
aañkh meñ aañsū bharne vaalā

lahū na ho to qalam tarjumāñ nahīñ hotā
hamāre daur meñ aañsū zabāñ nahīñ hotā