Collections

Lab Shayari

Motivational Ghazals

Best Khamoshi Shayari

More Collections

Tags-Aansoo

dil-e-fasurda ko chhīñTe hazār deñ aañsū
jo shāḳh suukh ga.ī hai vo kyā harī hogī

dil-e-fasurda ko chhinTe hazar den aansu

magar aañsū kisū ke poñchhe haiñ
āstīñ aaj kyuuñ tirī nam hai

auron ki baat yan bahut kam hai

maiñ ne apne saare aañsū baḳhsh diye
bachche ne to ek hī paisa māñgā thā

jab main uske ganw se bahar nikla tha

ik saada varaq jazb the jis meñ ka.ī aañsū
ik mere sivā paḌh na sakā koī vo tahrīr

luT jati hai har chiz wo tinka ho ki shahtir

chaman meñ har taraf aañsū haiñ 'jāved'
tirī hālat kī sab ko hai ḳhabar kyā

samundar par aa baiThe magar kya

bulbuleñ gul ke aañsū nahīñ chāTtīñ
un ko apne hī marġhūb haiñ chahchahe

KHun ban kar munasib nahin dil bahe

haiñ hazāroñ dafn aañsū mirī qabr-e-ārzū meñ
na dil-e-hazīñ ko tum bhī kabhī ġham-gusār karnā

jo nahin hai tera maqsad mujhe sogwar karna

aañsū jhalak jhalak ke satā.eñge raat bhar
motī palak palak meñ piroyā kareñge ham

mil kar juda hue to na soya karenge hum

nikāsī jab na dekhī yaas dil kī
bahā ke aaTh aaTh aañsū nikālī

wo rangat tu ne ai gul-ru nikali

āñkhoñ meñ mazlūmoñ ke bas aañsū haiñ
fikr meñ hai har ek sitam-gar jaane kyuuñ

be-ghar tha phir chhoD gaya ghar jaane kyun

haiñ 'masrūr' āñkheñ tumhārī jo pur-nam
batāo ye aañsū haiñ ġham yā ḳhushī ke

chale bazm-e-dauran se jab zahr pi ke

zamāne ko duuñ kyā ki dāman meñ mere
faqat chand aañsū haiñ vo bhī kisī ke

chale bazm-e-dauran se jab zahr pi ke

mere aañsū na poñchhnā dekho
kahīñ dāmān tar na ho jaa.e

sabr wahshat-asar na ho jae

mire shu.ūr kī āñkhoñ meñ aa ga.e aañsū
mujhe asīr-e-alam jab sanam nazar aa.e

rah-e-talab mein hamein gham pe gham nazar aae

koī ummīd na jis baat kī thī kaise huī
kaise pathrā.ī huī aañkh meñ aañsū aa.e

teri aawaz

rotā hai shab-e-hijr meñ dil ḳhuun ke aañsū
miltā nahīñ koī use ġham-ḳhvār-e-mohabbat

be-dam hue yun ho ke giraftar-e-mohabbat

maiñ to samjhā thā bujhāveñge kuchh aañsū tuf-e-dil
ye to aur aag ko bhaḌkā ke chale aate haiñ

hum to us kuche mein ghabra ke chale aate hain

koī āvāz kahīñ guuñj ke rah jaatī hai
koī aañsū kisī aariz pe Dhalak jaatā hai

aabla-pai se virana mahak jata hai

ab to āñkhoñ se aañsū bhī bahte nahīñ
zulm jab un kā had se sivā ho gayā

baat kuchh bhi na thi kyun KHafa ho gaya

be-sabab āñkhoñ meñ aañsū bhī nahīñ aate ab
vahshat-e-dil bhī kahīñ duur rahā kartī hai

zindagi chupke se ek baat kaha karti hai