Collections

Lab Shayari

Motivational Ghazals

Best Khamoshi Shayari

More Collections

Tags-Faith

jo merī zāhirī sūrat se khā rahā hai fareb
yaqīn jāniye dard-e-nihāñ na samjhegā

kisi ki baat koi bad-guman na samjhega

har ik yaqīn ko ham ne gumāñ banā diyā hai
the jis zamīñ pe use āsmāñ banā diyā hai

har ek yaqin ko humne guman bana diya hai

yaqīn kaise dilā.eñ vafā-shi.ārī kā
diloñ ko chaak kareñ yā ki ham jigar kholeñ

kabhi to mund len aanKHen kabhi nazar kholen

maiñ be-yaqīn huuñ aisā ki mere hāthoñ meñ
tamām āyateñ sūraj kī rā.egāñ dekho

hai wahimon ka tamasha yahan wahan dekho

malāl-o-huzn se ho kar guzartī rāhoñ ko
yaqīn-o-shauq se paiham milā diyā ham ne

adawaton ka ye usko sila diya humne

dil bhī le kar nahīñ yaqīn-e-vafā
hai abhī ishtibāh kyā kahnā

aap hain be-gunah kya kahna

tumhārī baat pe kis ko yaqīn aa.egā
kisī se tum na ye kahnā ḳhudā ko dekhā hai

wahi udas si aankhen udas chehra hai

na jaane kaun sī nekī bachā ga.ī mujh ko
yaqīn maan maiñ had se guzarne vaalā thā

zara si der mein kashkol bharne wala tha

yaqīn jis kā hai vo baat bhī gumāñ hī lage
vo mehrbān hai lekin balā-e-jāñ hī lage

yaqin jis ka hai wo baat bhi guman hi lage

yaqīn kar lo to ā.eñge sab nazar apne
tumhāre dil meñ kajī vāhime se aa.ī hai

junun shauq yaqin zabte se aai hai

māñjhā koī yaqīn ke qābil nahīñ rahā
tanhā.iyoñ ke peḌ se aTkī patañg huuñ

har lamha zindagi ke pasine se tang hun

gar tujh ko hai yaqīn-e-ijābat duā na maañg
ya.anī baġhair-e-yak-dil-e-be-mudda.ā na maañg

gar tujhko hai yaqin-e-ijabat dua na mang

yaqīn kar ki yahī hai bujhe diloñ kā ilaaj
tirī vafā tirī chāhat tirā gumāñ aur phuul

KHizan ki rut hai janam-din hai aur dhuan aur phul

tumhāre va.ade pe aisā yaqīn hai dil ko
kabhī haiñ dar pe kabhī vaqf-e-rahguzar āñkheñ

Thaharna bhul gai hain lahu se tar aankhen

vo mujh ko bhuul chukā ab yaqīn hai varna
vafā nahīñ to jafāoñ kā silsila rakhtā

agar wo mil ke bichhaDne ka hausla rakhta

mashq-e-suḳhan vahī hai mashaqqat bhī hai vahī
kaise karūñ yaqīn zamāna badal gayā

dastur tha jo gham ka purana badal gaya

hameñ yaqīn nahīñ thā ḳhud apnī rañgat par
ham is zamīñ kī hathelī pe rañg kyā laate

hum aise soe bhi kab the hamein jaga late

yaqīn kā agar koī bhī silsila nahīñ rahā
to shukr kījiye ki ab koī gilā nahīñ rahā

yaqin ka agar koi bhi silsila nahin raha

naqāb kahtī hai maiñ parda-e-qayāmat huuñ
agar yaqīn na ho dekh lo uThā ke mujhe

naqab kahti hai main parda-e-qayamat hun

shāyad use yaqīn kī uñglī na chhū sake
ik shaḳhs apne-āp se barsoñ nahīñ milā

tanhaiyon ki barf thi bistar pe ja-ba-ja