Tags-Faith

yaqīn rakkho ye manzar badalne vaalā hai
sharār uḌne se pahle dhuāñ banāte haiñ

jo aisī vahshat-e-jāñ hai sar-e-yaqīn-o-sabāt
so kyuuñ na vahm tarāshūñ gumāñ banā.ūñ koī

dekh kar us ke yaqīn par apnā yaqīn
lagtā hai merā koī dost hī rahā hogā

mire intizār ko kyā ḳhabar tumheñ iḳhtiyār hai is qadar
mujhe do salīqa ye kam se kam ki fareb meñ bhī yaqīn ho

mire ishq kā ye meyār ho ki visāl bhī na shumār ho
isī e'tibār pe ho karam ki fareb meñ bhī yaqīn ho

yahī baat kah do pukār ke vahī silsile raheñ pyaar ke
isī naaz meñ rahe phir bharam ki fareb meñ bhī yaqīn ho

mirī chāhatoñ meñ ġhurūr ho dil-e-nā-tavāñ meñ surūr ho
tumheñ ab ke khānā hai vo qasam ki fareb meñ bhī yaqīn ho

ye dayār-e-shīsha-farosh hai yahāñ ā.īnoñ kī bisāt kyā
yahāñ is tarah se rakho qadam ki fareb meñ bhī yaqīn ho

jahāñ zikr-e-mehr-o-vafā mile vahīñ 'indirā' kā qalam chale
ye kitāb-e-ishq meñ ho raqam ki fareb meñ bhī yaqīn ho

yuuñ vafā ke saare nibhāo ġham ki fareb meñ bhī yaqīn ho
koī baat aisī kaho sanam ki fareb meñ bhī yaqīn ho

us kā ye husn vahm hai terā ye ishq hai gumāñ
itnā yaqīn dil mire vahm-o-gumān par na kar

ki ham bane hī na the ek dūsre ke liye
ab is yaqīn ko jiinā hayāt karte hue

maiñ us ke va.ade kā ab bhī yaqīn kartā huuñ
hazār baar jise aazmā liyā maiñ ne

mujhe yaqīn thā is tajrabe se pahle bhī
sunā hai ġhair se jalva nahīñ sahārā gayā

yaqīn bhī tujhe aa.egā merī hastī par
yahī nahīñ ki maiñ tere gumāñ se guzrūñgā

aisā ho koī nāma-bar baat pe kaan dhar sake
sun ke yaqīn kar sake jā ke unheñ sunā sake

ham amn meñ rakhte haiñ yaqīn-e-kāmil
hai amn-e-jahāñgīr hamārī manzil

aa.e yaqīn kyoñ hameñ jaltā thā ik badan
be-shak na aag ho kahīñ lekin dhuāñ to ho

mohabbateñ bhī tirī haiñ shikāyateñ bhī tirī
yaqīn tujh pe na hotā to kyuuñ gumāñ karte

maiñ is yaqīn pe tā-umr jiine vaalā huuñ
jahāñ pe kuchh na milegā vahāñ ḳhudā hogā