Tags-Faith

mujh ko yaqīn thā vo faqat mere saath hai
khāyā hai maiñ ne dhoka isī e'tibār meñ

gumān hī asāsa thā yaqīn kā
yaqīn hī gumān meñ nahīñ rahā

kho chuke ham yaqīn jaisī shai
tū abhī tak kisī gumān meñ hai

gumān ke liye nahīñ yaqīn ke liye nahīñ
ajiib rizq-e-ḳhvāb hai zamīn ke liye nahīñ

pahuñchegā tiir merā ye apne nishān par
itnā yaqīn mujh ko hai apnī kamān par

yaqīn mar gayā mirā gumān bhī nahīñ bachā
kahīñ kisī ḳhayāl kā nishān bhī nahīñ bachā

par to katre haiñ yaqīn hai ki chhurī bhī phere
zamzamoñ se mire sayyād hai hil hil jaatā

yaqīn hai ki gumāñ hai mujhe nahīñ mālūm
ye aag hai ki dhuāñ hai mujhe nahīñ mālūm

shāyad mujhe kisī se mohabbat nahīñ huī
lekin yaqīn sab ko dilātā rahā huuñ maiñ

apnī duā pe thā mujhe kuchh is qadar yaqīn
māñgī ḳhudā se jo vahī jāgīr mil ga.ī

huā hai dair-o-haram meñ jo mo.atakif vo yaqīn
takān-e-kashmakash-e-ehtimāl hai shāyad

lafzoñ ko e'timād kā lahja bhī chāhiye
zikr-e-sahar bajā hai yaqīn-e-sahar bhī hai

aadil hai us ke adl par ham ko yaqīn hai
lekin vo zulm sahne kī himmat bhī le na jaa.e

kabhī to aa.egā vo vaqt bhī 'zakī' tāriq
yaqīn ban ke hamārā gumān bolegā

udheḌtā hī rahā tū yaqīn kī chādar
tamām umr rafū kī silā.ī kī maiñ ne

yaqīn tujh pe bhā kis tarah maiñ kar letī
tazād had se ziyāda tire bayān meñ thā

mirā rafīq pas-e-jism-o-jāñ zinda rahā
yaqīn murda huā par gumān zinda rahā

yaqīn karne se pahle pata lagā to sahī
ki tere dil kī sadā mo'tabar bhī hai ki nahīñ

kisī ko ik ātish-e-gumāñ ne tamām-tar raakh kar diyā hai
kisī ko kandan banā diyā hai yaqīn kī ḳhāk-e-kīmiyā ne

yaqīn thī to yaqīñ meñ samā ga.ī kaise
gumān thī to gumāñ se bhī māvarā lagtī