Tags-Falak

falak miT sā gayā hadd-e-nazar tak
sitāra hī ik aisā ban rahā thā

daur-e-falak jab dohrātā hai mausam-e-gul kī rātoñ ko
kunj-e-qafas meñ sun lete haiñ bhūlī-bisrī bātoñ ko

tumhārī shah pe falak kī to Thaan lī hai magar
ye zindagī kī kahīñ āḳhirī uḌaan na ho

garche haiñ darvesh lekin ai falak
tujh ko ḳhātir meñ nahīñ laate haiñ ham

falak pe jin ko sitāre samajh rahe haiñ log
vo chāñdnī meñ nahā.e hue parinde haiñ

thā faḳhr bahut falak-rasī par
ḳhud apne par ab katar rahā huuñ

kyuuñ falak majbūr hoñ aañsū bahāne ke liye
añkhḌiyāñ hoñ jo diloñ meñ Duub jaane ke liye

falak charḳh-e-kaj-rau suuñ dekhe agar ḳhuub nai-rañgbāzī zamāne kī hikmat
guzar ġhair sohbat suuñ mad.hosh ho jā pahāḌoñ meñ jā kar bhujañgoñ meñ rahiye

kuchh to de ai falak-e-nā-insāf
aah o fariyād kī ruḳhsat hī sahī

tum ho mah-e-chār-dah chaar qadam rakh ke aaj
badr-e-falak-qadr kī qadr ghaTāne chalo

shikva bhī agar maiñ kartā huuñ to jaur-e-falak kā kartā huuñ
be-vaj.h 'qamar' tāroñ kī nazar kyuuñ mujh se badaltī jaatī hai

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

nikaltā hai mashriq se kis tarah sūraj
falak par chamaktā hai ye chāñd kyūñkar

dekhā tujhe jo ḳhūn-e-shahīdāñ se surḳh-posh
turk-e-falak zamīñ meñ ḳhajālat se gaḌ gayā

nahīñ do-chār tinkoñ se falak ko dushmanī lekin
use zid hai rahe kyoñ ye hamārā āshiyāñ ho kar

falak kī had se pare hai tirī uḌaan to kyaa?
magar kabhī kabhī dhartī ke is azaab meñ aa

sab ko aajiz kiyā falak ne par ek
āhū-e-dil pe ġham ko sher rakhā

kab thā use andāza 'sahar' sañg-e-falak kā
shīshe ke makāñ meñ jo amaañ DhūñD rahā thā

thā bām-e-falak ḳhāk-basar aane lagā huuñ
jis samt ishāra thā udhar aane lagā huuñ

ik sitāre ke liye sar falak kartā huuñ
dosto fursat-e-sayyāra-shikārī kise hai