Tags-Falak

kabhī to chashm-e-falak meñ hayā dikhā.ī de
ki dhuup sar se haTe aur ghaTā dikhā.ī de

falak ke sar pe paḌe haiñ mirī zamīn ke paañv
mire sirhāne se ūñchā hai pā.itāna mirā

ho jaave kamāñ tīr-e-falak bār-e-alam se
sun leve jo tere lab-e-sofār kī āvāz

rahm falak aur mire haal par
tū ne karam ai sitam-ārā kiyā

fazā mahdūd kab hai ai dil-e-vahshī falak kaisā
nilāhaT hai nazar kī dekhte haiñ jo nigāhoñ se

zamīñ jo mehrbāñ hotī nahīñ to ab yahī hal hai
falak par apnī qismat kā sitārā DhūñD lete haiñ

maiñ ḳhāk-nashīñ aaj bhī taktī huuñ falak ko
muddat se ḳhalāoñ meñ tujhe DhūñD rahī huuñ

kahāñ aisā Mubakkī ho ki jaave tā-falak dariyā
nahīñ ham-chashm mere ashk kā maare hai jhuk dariyā

pensioneñ tanḳhvāh kā aksar tihā.ī hī rahī haiñ
aur qīmat dhīre dhīre umr kī sūrat falak ko chhū rahī hai

zamīñ ki gul-posh bhī rahī aur falak pe qaus-e-quzah bhī jhūmī
maze maze kī vo sā.ateñ thiiñ chalo ye din bhī guzār aa.eñ

zamīñ kī sham.oñ se jab dil ko raushnī na milī
falak se chāñd sitāre utaar laayā maiñ

falak pe chāñd sitāroñ kā kārvāñ bhī bujhā
tumhārī yaad kā lekin charāġh jaltā rahā

jāntā huuñ maiñ tire rās-o-zamb ko ai falak
mere Dasne ke liye paalā hai joḌā saañp kā

sū-e-falak havā.ī safar hai to kyā huā
Dar jā.ūñ māhtāb kī sūrat nahīñ karūñ

jab apne aap meñ Duube falak ko chhū aa.e
ki ehtiyāj hameñ ab na bāl-o-par kī rahī

jo aah ne falak-e-pīr ko hilā Daalā
to aap hī kahiye ki haigā ye kis asar meñ asar

zamīñ be-aks ho kar rah ga.ī hai
falak kā aa.ina mailā huā hai

falak vaale mujhe pahchānte haiñ
ye merī kahkashāñ hai aur maiñ huuñ

phirte haiñ sadā jis meñ samundar bhī zamīñ bhī
ye puurā falak bhī usī girdāb meñ rakh duuñ

sabza-e-madfan ugā thā kyuuñ falak
āhūoñ kī kyā charī ke vāste