Tags-Falak

rokā kiye malā.eka haft āsmān ke
sātoñ falak ko toḌ ke naala nikal gayā

sātoñ falak kiye tah-o-bālā nikal gayā
āḳhir shab-e-firāq meñ naala nikal gayā

falak par koī sāzish ho rahī hai
samundar par hī bārish ho rahī hai

tartīb se liye haiñ tumhāre tamām naam
ik aur hī falak pe sitāre sajā diye

chhoTe se abr paare ne aa ke sar-e-falak
ahl-e-nazar ko din Dhale paiġhām kyā diye

agarche ḳhaak barābar kiyā falak ne 'bayāñ'
dimāġh par vahī ham ḳhāksār rakhte haiñ

ḳhvāhāñ koī nahīñ to kuchh is kā ojab nahīñ
jins-e-girāñ-bahā haiñ falak kī dukāñ meñ ham

falak-zā.ida chhāñv marne lagī hai
simaTtā huā sā.ebāñ ye khule par

falak to bhuul bhī saktā thā laġhzisheñ 'saifī'
magar zamīñ ne bahut sharmsār karnā thā

dar-parda vo hī ma.anī muqavvam na hoñ agar
sūrat na pakḌe kaam falak ke sabāt kā

sar par falak ko oḌhe bichhā.e zamīn vo
baiThā hai shaan se kisī sultān kī tarah

likhā hai juġhrāfiyoñ meñ sab kuchh magar kisī ne na ye batāyā
khiñchī falak kī qanāt kyūñkar banā zamīñ kā mazār kaise

falak se aage palak se aage
nazar meñ rakkhā shahāb niilā

na sī chashm-e-tama ḳhvān-e-falak par ḳhām-dastī se
ki jām-e-ḳhūn de hai har sahar ye apne mehmāñ ko

falak ne gar kiyā ruḳhsat mujhe sair-e-bayābāñ ko
nikālā sar se mere jaa.e mū ḳhār-e-muġhīlāñ ko

ḳhizān-e-umr kujā o kujā bahār-e-shabāb
falak ko rashk huā koī jab javāñ dekhā

dekhūñ kyuuñ kar nahīñ hotā falak-e-kaj sīdhā
dil-e-mahzūñ kī buland āh-o-fuġhāñ hone do

āñkheñ phūTeñ bhī kahīñ is falak-e-bad-bīñ kī
zabt achchhā nahīñ aahoñ kā dhuāñ hone do

mere nāloñ se tah-o-bālā huī aksar zamīñ
zer-e-pā aayā falak aur bārhā sar par zamīñ

nazar meñ apnī vo phirtī haiñ sūrateñ haihāt
falak ne ḳhaak meñ kyā kyā milā.iyāñ dekhīñ