Tags-Fasla

us kā ehsān ki us ke dil ne
fāsla ham se sadā rakkhā hai

jab un se fāsla ham ne baḌhāyā to ye huā
vo duur hote hue bhī qarīb aane lage

baḌe logoñ se milne meñ hamesha fāsla rakhnā
jahāñ dariyā samundar se milā dariyā nahīñ rahtā

tumhāre jism ke sandal kī aabrū hai bahut
hujūm-e-shauq meñ rah kar bhī fāsla rakhnā

lipaT bhī jaatā thā aksar vo mere siine se
aur ek fāsla sā darmiyāñ bhī rakhtā thā

yaqīñ se jo gumāñ kā fāsla hai
zamīñ se āsmāñ kā fāsla hai

āñkhoñ āñkhoñ meñ huā ik hādisa achchhā lagā
milne vaale kyuuñ tujhe ye fāsla achchhā lagā

hamārī ruuh hamāre badan ko tarsegī
hamāre biich to sadiyoñ kā fāsla hogā

jo ye nishāna uḌā do to samjheñ tīr-fagan
bahut hai nāvak-e-mizhgāñ se fāsla dil kā

na qarīb aa na to duur jā ye jo fāsla hai ye Thiik hai
na guzar hadoñ se na had batā yahī dā.era hai ye Thiik hai

use fusūñ-gar o be-mehr maiñ nahīñ kahtā
firāq-e-yār kā baa.is hai fāsla dil kā

ek nisbat ek rishta ek hī ghar ke makīñ
vaqt ne donoñ meñ lekin fāsla rahne diyā

donoñ ke dil meñ ḳhauf thā maidān-e-jañg meñ
donoñ kā ḳhauf fāsla thā darmiyān kā

har fāsla baḌā hai har marhala kaḌā hai
sūraj agar hai pīchhe saa.e ke saath ho lo

maiñ sochtā huuñ rahegā jo fāsla qaa.em
zamāna un ke mire darmiyāñ se guzregā

fāsla dair-o-haram ke darmiyāñ rah jā.egā
chaak sil jā.eñge ye zaḳhm-e-nihāñ rah jā.egā

judā ho kar vo ham se hai judā kyā
samā.at kā sadā se fāsla kyā

jo tum chalo to abhī do qadam meñ kaT jaa.e
jo fāsla mujhe sadiyoñ meñ paar karnā hai

vo sard fāsla bas aaj kaTne vaalā thā
maiñ ik charāġh kī lau se lipaTne vaalā thā

bahut din jāgte ḳhvāboñ ko āñkhoñ se lagāyā hai
ye qurbat kuchh dinoñ tak fāsla hone hī vaalī hai