Tags-Fasla

tamām umr baḌe saḳht imtihān meñ thā
vo fāsla jo tire mere darmiyān meñ thā

sāmne Thahrā huuñ tere jaan le pahchān le
chal paḌā to baḌhte baḌhte fāsla ho jā.ūñgā

ishq meñ bhī siyāsateñ niklīñ
qurbatoñ meñ bhī fāsla niklā

fāsla beach kā miTā kaise
yaad us ne mujhe kiyā kaise

naaz thā jis ko merī rifāqat ke har lamha-e-muḳhtasar par
aaj mahsūs aisā huā hai ki vo fāsla chāhtā hai

abr se aur dhuup se rishta hai ek sā mirā
aa.ine aur charāġh ke biich kā fāsla huuñ maiñ

zindagī ke bahut qarīb na jā
fāsla kuchh to apne dhyān meñ rakh

itne halāla-bāz agar ghaat meñ na hoñ
kyā aisā fāsla hai talāq-o-rujūa meñ

rahguzar thī hādse the fāsla thā dhuup thī
barhana-pā.ī thī lekin ābla-pā.ī na thī

jaan jaanī hai jab abas hī 'hamesh'
phir to duniyā se fāsla rakhiye

qurbateñ ham bhī chāhte haiñ magar
darmiyāñ fāsla zarūrī hai

donoñ ke dil meñ ḳhauf thā maidān-e-jañg meñ
donoñ kā ḳhauf fāsla thā darmiyān kā

kahāñ ye shaam kahāñ mere āshnā chehre
simaT rahā hai tasavvur meñ fāsla kaisā

hai shahryār kī qurbat se fāsla behtar
rahe jo qurb meñ akasr itaab meñ aa.e

hastī se ik nafas kā hai fāsla adam tak
tis par bhī hai pahuñchnā dushvār hai ta.ajjub

baḌā kaThin hai rāsta jo aa sako to saath do
ye zindagī kā fāsla miTā sako to saath do

balā kashān-e-dar-e-mai-kada kahāñ jaa.eñ
qadam qadam hai qayāmat kā fāsla saaqī

jise paas aanā thā aa gayā aur nafas ke taar bhī juḌ ga.e
ki talab kī thiiñ yahī manzileñ koī fāsla to rahā nahīñ

umr-bhar sū-e-manzil chalā huuñ magar
fāsla juuñ kā tuuñ darmiyāñ hai abhī

savāboñ se un kā sahī fāsla
gunāhoñ se haiñ dūr-tar mastiyāñ