Collections

Lab Shayari

Motivational Ghazals

Best Khamoshi Shayari

More Collections

Tags-Fasla

koī iz.hār kar saktā hai kaise
ye lafzoñ se zabāñ kā fāsla hai

koi izhaar kar sakta hai kaise

aate jaate mausamoñ kā silsila baaqī rahe
roz ham milte raheñ aur fāsla baaqī rahe

aate jate mausamon ka silsila baqi rahe

kisī ne duur bahut duur se pukārā phir
diloñ kī qurbateñ āñkhoñ kā fāsla le jā

nahin ye zid ki har ek dard tu mera le ja

zamīñ se tā-ba-falak koī fāsla bhī nahīñ
magar ufuq kī taraf koī dekhtā bhī nahīñ

zamin se ta-ba-falak koi fasla bhi nahin

aate jaate mausamoñ kā silsila baaqī rahe
roz ham milte raheñ aur fāsla baaqī rahe

aate jate mausamon ka silsila baqi rahe

ab qurb-o-ba.ad meñ na rahā koī fāsla
duniyā simaT ke aa ga.ī mere makān par

parwaz mein jo sath na de aasman par

fāsla izzat o rusvā.ī meñ 'vālī'-sāhab
sunte aa.e haiñ ki bas chand qadam hotā hai

yun to hanste hue laDkon ko bhi gham hota hai

tai ho sakā na fāsla lambī uḌaan se
maiñ Dher ho ke rah gayā āḳhir takān se

tai ho saka na fasla lambi uDan se

Dubo degī gharelū kashmakash ma.asūm bachchoñ ko
kināroñ meñ ziyāda fāsla achchhā nahīñ hotā

koi hota hai, har ek aashna achchha nahin hota

be-qanā.at qāfile hirs-o-havā oḌhe hue
manzileñ bhī kyuuñ na hoñ phir fāsla oḌhe hue

be-qanaat qafile hirs-o-hawa oDhe hue

ai mire shauq-e-talab tere junūñ kī ḳhair ho
tū ne kyā had-e-nigah kā fāsla dekhā nahīñ

bhiD aisi hai ki mujhko rasta milta nahin

kisī se kam na huā 'nāz' fāsla ġham kā
ki log jitnā chale utnī dūriyāñ jāgīñ

har ek samt udasi ki titliyan jagin

jāgtī haqīqat tak rāsta hai ḳhvāboñ kā
darmiyāñ mire un ke fāsla hai ḳhvāboñ kā

jagti haqiqat tak rasta hai KHwabon ka

muāmalāt-e-mohabbat mizāj rakhte haiñ
tabī.ateñ hoñ jo yaksāñ to fāsla na lage

ye aankh tanz na ho zaKHm-e-dil hara na lage

fāsla kam karne vaale rāste shāyad na the
ab to lagtā hai safar hī darmiyāñ aisā na thā

ai bujhe rangon ki sham ab tak dhuan aisa na tha

yaaro dil-o-dimāġh meñ kaafī hai fāsla
uljhe hue javāb na do maiñ nashe meñ huuñ

yun dawat-e-shabab na do main nashe mein hun

ye dostī kā taqāzā hai is ko dhyān meñ rakh
hamesha fāsla thoḌā sā darmiyān meñ rakh

ye dosti ka taqaza hai isko dhyan mein rakh

ham-safar miil kā patthar nazar aa.egā koī
fāsla phir mujhe us shaḳhs kā saanī degā

apni biti hui rangin jawani dega

bas itnī duurī mayassar rahegī donoñ ko
ki fāsla bhī koī darmiyāñ nahīñ honā

mere wajud abhi na-tawan nahin hona

qurbateñ nahīñ rakkhīñ fāsla nahīñ rakkhā
ek baar bichhḌe to rābta nahīñ rakkhā

qurbaten nahin rakkhin fasla nahin rakkha