English
Favourite
Favourite
UrduShayarUrduShayar
Expand menu
Sign inAccount

Tags-Fasla

kahte the jis ko qurb vahī fāsla banā
badlā jo ruḳh nadī ne ka.ī shahr kaT ga.e
Ghazal
 sae jo sang-e-rah the raste se haT gae
ab ek aadh qadam kā hisāb kyā rakhiye
abhī talak to vahī fāsla lage hai mujhe
Ghazal
 har ek ruh mein ek gham chhupa lage hai mujhe
salīb-e-shab se 'musavvir' sahar ke maqtal tak
kahāñ mileñ ki har ik fāsla barābar hai
Ghazal
 nafas nafas hai bhanwar chaDhti shab ka manzar hai
qurbatoñ kī raah se ho kar guzar jā.eñge ham
manziloñ par darmiyāñ bas fāsla rah jā.egā
Ghazal
 tu nahin hoga magar ye silsila rah jaega
hijr meñ fāsla to lāzim thā
ab to rishte kī aas hī na rahī
Ghazal
 mujhko us se najat bhi na rahi
ravāñ davāñ sū-e-manzil hai qāfila ki jo thā
vahī hanūz hai yak-dasht fāsla ki jo thā
Ghazal
 rawan dawan su-e-manzil hai qafila ki jo tha
ham se mat pūchho ki ik vo chiiz kyā donoñ meñ hai
jo milātā hai hameñ vo fāsla donoñ meñ hai
Ghazal
 humse mat puchho ki ek wo chiz kya donon mein hai
udāsiyoñ se sadā rakh ke fāsle 'jyotī'
maiñ aise ziist hasīñ pur-jamāl kartī huuñ
Ghazal
 wafa ki rah mein aise kamal karti hun
jo dekhne meñ bahut hī qarīb lagtā hai
usī ke baare meñ socho to fāsla nikle
Ghazal
 use samajhne ka koi to rasta nikle
lo tum bhī shauq se 'aslam' se ehtiyāt rakho
hameñ bhī aa gayā apnoñ se fāsla rakhnā
Ghazal
 KHud apne aks ko apni nazar mein kya rakhna
kisī ke peḌ kā saaya na aa sake ghar meñ
gharoñ ke biich meñ itnā to fāsla rakhnā
Ghazal
 KHud apne aks ko apni nazar mein kya rakhna
milā kar haath ham se fā.eda kyā
vahī ab tak diloñ meñ fāsla hai
Ghazal
 koi chhoTa yahan koi baDa hai
kyā mirī taqdīr meñ manzil nahīñ
fāsla kyuuñ muskurā kar rah gayā
Ghazal
 sirf tera nam le kar rah gaya
vo kyā 'vāmiq' jo nichlā baiTh jaa.e
vo kaisā fāsla jo tai nahīñ hai
Ghazal
 wo tanha mere hi darpai nahin hai
hamāre darmiyāñ jo fāsla hai
mahz kuchh rañg-o-bū kā mas.ala hai
Ghazal
 hamare darmiyan jo fasla hai
bār-e-garāñ uThānā kis vāste azīzo
hastī se kuchh adam tak thoḌā hī fāsla hai
Ghazal
 sahab ke harza-pan se har ek ko gila hai
tum ik kinārā ham ik kinārā zamāna āb-e-ravāñ ho jaise
ye fāsla ab hamāre hī darmiyān ījād ho rahā hai
Ghazal
 jahan pe basna hai mujhko ab wo jahan ijad ho raha hai
maiñ kam-sinī meñ bhī guḌiyā kabhī nahīñ khelī
paloñ meñ tai kiyā barsoñ kā fāsla maiñ ne
Ghazal
 haTa ke mez se ek roz aaina maine
kabhī to koī falak se utar ke paas aa.e
kabhī to Dasne se baaz aa.e fāsla mujh ko
Ghazal
 tera hi rup nazar aae ja-ba-ja mujhko
bane haiñ ek hī miTTī se ham sabhī lekin
hamārī soch meñ is darja fāsla kyuuñ hai
Ghazal
 ubharti Dubti sanson ka silsila kyun hai
Top Urdushayar.com