Tags-Friendship

tirī dostī pe mirā yaqīñ mujhe yaad hai mire ham-nashīñ
mirī dostī pe tirā gumāñ tujhe yaad ho ki na yaad ho

koī kisī ke dostī-bhare safed ghar meñ be-fikr
koī kisī ke duāoñ kā muntazir

phirtā huuñ dahr meñ liye ye dostī kā haath
lagtā hai maiñ bhī ku-e-malāmat meñ aa gayā

āj-kal aap kī ḳhabar ham ko!
ġhair kī dostī se miltī hai

dost dushman ko banānā koī tum se sīkhe
dostī kaisī nibāheñ koī ham se pūchhe

'mujībī' kam nahīñ 'fikrī' kī dostī kī panāh
agarche dushman-e-jāñ be-hisāb chāroñ taraf

merā maslak hai mohabbat dostī sheva mirā
merī manzil bhī yahī hai aur yahī rasta mirā

vahī bane dushman-e-tamannā jinheñ sikhāyā thā ham ne jiinā
agar ye pūchheñ to kis se pūchheñ ki dostī kā shi.ār kyā hai

ḳhud apne ġham hī se kī pahle dostī ham ne
aur us ke ba.ad ġham-e-dostāñ ko pahchānā

mohabbatoñ meñ dikhāve kī dostī na milā
agar gale nahīñ miltā to haath bhī na milā

kabhī ḳhat bhī na likh pahuñchā paḌhāyā aap ko kis ne
ki alqat dostī 'inshā' se aisī yak-qalam kījiye

na kar paa.e dushman bhī jo dushmanī meñ
kiyā hai rafīqoñ ne vo dostī meñ

mujhe jo dostī hai us ko dushmanī mujh se
na iḳhtiyār hai us kā na merā chārā hai

jahāñ insān kī insān se ho dostī 'gulshan'
kisī bhī samt aise dar dikhā.ī kyoñ nahīñ dete

ta.alluq tujh se rakh kar itnā samjhe
hamārī saañp se bhī dostī hai

ek hī shāḳh par rahe baaḌh meñ saañp aur aadmī
kaisī ajiib dostī donoñ ke darmiyāñ huī

vo be-insāf aur apnī vafā kī daad yā qismat
gumān-e-dostī hai sādgī se ham ko dushman par

maiñ huuñ marhūn-e-minnat sulh-e-kul kā jab se ai 'arshad'
yaqīn-e-dostī hone lagā hai mujh ko dushman par

be-tahāshā pyaar kī daulat luTā.ī umr bhar
dostī kā ham ne kuchh anjām sochā hī nahīñ

jis se hai dostī kā hukm hameñ
ham bhī pāgal usī se laḌte haiñ