Tags-Gham

baras gayā ba-ḳharābāt-e-ārzū tirā ġham
qadah qadah tirī yādeñ subū subū tirā ġham

tire ḳhayāl ke pahlū se uTh ke jab dekhā
mahak rahā thā zamāne meñ chār-sū tirā ġham

ġhubār-e-rañg meñ ras DhūñDhtī kiran tirī dhun
giraft-e-sañg meñ bal khātī āb-e-jū tirā ġham

nadī pe chāñd kā partav tirā nishān-e-qadam
ḳhat-e-sahar pe añdheroñ kā raqs tū tirā ġham

naḳhīl-e-zīst kī chhāñv meñ nai-ba-lab tirī yaad
fasīl-e-dil kī kalas par sitāra-jū tirā ġham

tulū-e-mahr shagufta sahar siyāhī-e-shab
tirī talab tujhe paane kī aarzū tirā ġham

nigah uThī to zamāne ke sāmne tirā ruup
palak jhukī to mire dil ke rū-ba-rū tirā ġham

ġham-e-daurāñ kī kaḌī dhuup ye taptā sahrā
kaash do-gām tirī zulf ke saa.e hote

ġham ke bharose kyā kuchh chhoḌā kyā ab tum se bayān kareñ
ġham bhī raas aayā dil ko aur hī kuchh sāmān kareñ

nazar hai vīrāñ mirī to kyā ġham nazar ke jalve to haiñ salāmat
na the tum itne hasīñ mirī mohabbat-e-rā.egāñ se pahle

bichhaḌ ga.e rāh-e-zīst meñ ham tumheñ bhī is kā agar hai kuchh ġham
chaleñ vahīñ se phir aao bāham chale the ham tum jahāñ se pahle

ġham kā har dam bayāñ nahīñ achchhā
apnī ḳhushiyāñ shumār kar pahle

mil jaa.e jo qaid-e-ġham-e-duniyā se rihā.ī
phir to hai tire ġham kā hisār apnī jagah ḳhuub

ham ne aap ke ġham ko ham-safar banāyā hai
ya.anī zindagānī ko mo'atabar banāyā hai

har ġham-e-zamāna ko dil meñ dī jagah ham ne
ḳhuub jo milā us ko ḳhūb-tar banāyā hai

banāte haiñ hazāroñ zaḳhm-e-ḳhandāñ ḳhanjar-e-ġham se
dil-e-nāshād ko ham is tarah pur-shād karte haiñ

ye nashist-e-ġham hai is kī koī riit to nibhāo
maiñ ġhazal sunā rahā huuñ mujhe chhoḌ kar na jaao

chaleñge kitnā tire ġham ke saath saath qadam
shikanja-hā-e-zamāna haiñ be-hisāb bahut

matā-e-zindagī samjhā thā soz-e-ġham ko maiñ 'hāshim'
miTā jaanā hai vo bhī iztirāb āhista āhista

tumhārī chashm-e-tamannā ko dekhne vaale
koī ḳhazāna-e-ġham zer-e-āb dekhte haiñ