Tags-Gham

ġham-e-firāq bhī āḳhir faroġh pā hī gayā
ki fikr Dhal ke faqīrī meñ raas aa hī gayā

milī hai tark-e-ta.alluq se rabt-e-ġham ko baqā
ki ab to milne bichhaḌne kā mudda.ā hī gayā

ġham Tapak paḌtā hai kyuuñ aañkh se aañsū ban kar
jab tirī yaad satā.e shab-e-hijrāñ meñ mujhe

sambhal ai qadam ki ye kār-gāh-e-nishāt-o-ġham hai ḳhabar bhī hai
jise log kahte haiñ rahguzar kisī pā-shikasta kā ghar bhī hai

mirī jur.atoñ pe bhī kar nazar tujhe chāhūñ sau dafa TuuT kar
ye bajā ki sīna-e-shauq meñ ġham-e-pāsbānī-e-dar bhī hai

āsmāñ par ik sitāra shaam se betāb hai
merī āñkhoñ meñ tumhārā ġham nahīñ hai ḳhvāb hai

jo hukm do 'vājida-tabassum' kā kuchh tabassum maiñ tum ko lā duuñ
tumhāre hoñToñ pe ġham kī maujoñ ko dekh kar tilmilā rahā huuñ

pilāo āñkhoñ se taaki mujh ko kuchh 'āl-e-ahmad-surūr' aa.e
bahut haiñ ġham mujh ko āshiqī ke binā piye Dagmagā rahā huuñ

(thartharātā huā ehsās ke ġham-ḳhāne meñ
nargisī āñkhoñ kā ma.asūm sā shikvā din raat

jā tujhe bhī kahīñ dīvār kā saaya na mile
ġham ke sahrā meñ mujhe chhoḌ ke jaane vaale

rafta-rafta ibtilā-e-ġham shifā ho jā.egā
dard hī had se guzarne par davā ho jā.egā

miTī miTī sī umīdeñ thake thake se ḳhayāl
bujhe bujhe se nigāhoñ meñ ġham ke afsāne

umīd-e-pursish-e-ġham kis se kījiye 'nāsir'
jo apne dil pe guzartī hai koī kyā jaane

zaḳhm chhup sakte haiñ lekin mujhe fan kī saugand
ġham kī daulat bhī hai shāmil mire shahkāroñ meñ

hāl-e-ġham un ko sunāte jā.iye
shart ye hai muskurāte jā.iye

aa.ī bujhne ko apnī sham-e-hayāt
shab-e-ġham kī magar sahar na huī

amrit samajh ke pī liyā 'anjum' ne zahr-e-ġham
lekin tumhāre naam ko rusvā nahīñ kiyā

kabhī tirī kabhī apnī hayāt kā ġham hai
har ek rañg meñ nākāmiyoñ kā mātam hai

samt kā ġham na thā safīne ko
ye alam bādbān se niklā