Tags-Gham

hāl-e-ġham kah ke ġham baḌhā baiThe
tiir maare the tiir khā baiThe

jī to halkā huā magar yaaro
ro ke ham lutf-e-ġham gañvā baiThe

amrit samajh ke pī liyā 'anjum' ne zahr-e-ġham
lekin tumhāre naam ko rusvā nahīñ kiyā

is qadar ab ġham-e-daurāñ kī farāvānī hai
tū bhī minjumala-e-asbāb-e-pareshānī hai

mazmūn sūjhte haiñ hazāroñ na.e na.e
qāsid ye ḳhat nahīñ mire ġham kī kitāb hai

man.a kyuuñ karte ho ishq-e-but-e-shīrīñ-lab se
kyā maze kā hai ye ġham dosto ġham khāne do

gar mohabbat hai to vo mujh se phiregā na kabhī
ġham nahīñ hai mujhe ġhammāz ko bhaḌkāne do

koī iz.hār-e-ġham-e-dil kā bahāna bhī nahīñ
ho bahāna bhī jo koī to zamāna bhī nahīñ

ġham kī jab sozish siiñ mahram hovegā
chashma-e-ḳhurshīd shabnam hovegā

sarv-qad ke bin abas hai sair-e-bāġh
bār-e-ġham siiñ sarv bhī ḳham hovegā

phailā jo nūr-e-mahr-e-imāmat dam-e-zavāl
zarroñ se vaañ ke aañkh milānā huā muhāl

vo lahū pī kar baḌe andāz se kahtā hai ye
ġham kā har tūfān us ke ghar ke bāhar aa.egā

kūcha kūcha se uThegī ġham-zadoñ kī ek lahr
qarya qarya se bahī-ḳhvāhoñ kā lashkar aa.egā

jaan aur maal de chukeñ us ko
dil se jaane hameñ agar ġham-ḳhvār

dil ko miltā nahīñ qarār kahīñ
ġham bhī hotā hai sāzgār kahīñ

tum hañso to din nikle chup raho to rāteñ haiñ
kis kā ġham kahāñ kā ġham sab fuzūl bāteñ haiñ

ai taqāzā-e-ġham-e-dahr maiñ kaise aa.uuñ
lazzat-e-dard ġham-e-yār ko kaise chhoḌūñ

hunar kaho ki karāmat magar yahī hai ki ham
ḳhushī ko Dhaal bhī sakte haiñ ġham kī sūrat meñ

jo ho sake to gale mil ke ro le ai ġham-ḳhvār
ki āñsuoñ hī se dāman ke chaak silte haiñ

ḳhatm hone ko hai qissa-e-zindagī ab hameñ aap se koī shikva nahīñ
Tal na jaa.e kahīñ maut aa.ī huī pursish-e-ġham kī zahmat na farmā.iye